{"id":97,"date":"2023-11-14T15:30:45","date_gmt":"2023-11-14T21:30:45","guid":{"rendered":"https:\/\/sites.msudenver.edu\/proyectochorti\/?page_id=97"},"modified":"2024-03-18T15:16:48","modified_gmt":"2024-03-18T21:16:48","slug":"fought-cap-6","status":"publish","type":"page","link":"https:\/\/sites.msudenver.edu\/proyectochorti\/fought-cap-6\/","title":{"rendered":"Fought Cap\u00edtulo 6 \u2013 Religi\u00f3n"},"content":{"rendered":"
Cap\u00edtulo 6 \u2013 Religi\u00f3n<\/div><\/div>\n
<\/span>31. Esquipulas<\/div>
\nHablante de ch’orti’: Isidro Gonz\u00e1lez
\nFrom John G. Fought. Chorti Maya Texts. 1972. Pages 439-461. University of Pennsylvania Press. Reprinted with permission.
\nTranscription\/translation by Ch\u2019orti\u2019 Project, Robin Quizar<\/p>\n

Fought 31 New Years in Esquipulas Ch’orti’<\/a>
\nFought 31 New Years in Esquipulas English Translation<\/a>
\nFought 31 New Years in Esquipulas Spanish Translation<\/a><\/p>\n

31 Esquipulas<\/p>\n

I<\/p>\n

E b\u2019ajxan nojk\u2019in tama e uk\u2019ajyesyajir e anyo tamar era el kwatro de enero. Aka\u2019y
\na\u2019xin e jente ta nojk\u2019in Eskipulas.<\/p>\n

Konda twi\u2019x ka\u2019xi ta nojk\u2019in, kawixka\u2019r aka\u2019y ulok\u2019se e muxmuxpa\u2019, xe\u2019 kawa\u2019re
\nsarpat, twa\u2019 kakuchi a\u2019xin ta nojk\u2019in. Kak\u2019ache me\u2019yra twa\u2019 atz\u2019akta kak\u2019uxi esto
\ntya\u2019 kayo\u2019pa. Konda a\u2019kb\u2019are, twi\u2019x ka\u2019xin, uyusta e ak\u2019ach twa\u2019 kak\u2019uxi ta b\u2019i\u2019r,
\nugori e b\u2019ut\u2019na\u2019k\u2019, umuxi e ch\u2019aj. Konda turi\u2019x tuno\u2019r, ub\u2019ut\u2019i tama inte\u2019 chijr,
\nkakucha axin.<\/p>\n

Konda kak\u2019otoy tama e chinam Olopa, kamani e kandela ko\u2019choy takar tu\u2019t e katu\u2019,
\nPastora. Kawirse porke\u2019 che ke\u2019 ixka\u2019rb\u2019ir twa\u2019 e Milagroso. Ya kalok\u2019oy kak\u2019otoy
\nkawayan ta kojn San Jwan. Ya kak\u2019uxi ak\u2019ach lo ke kalok\u2019se tiko\u2019tot. Ub\u2019aker e
\nak\u2019ach yaja\u2019 ma\u2019chi kawakta. Kab\u2019asi tama e xe\u2019x twa\u2019 kasuti water tiko\u2019tot, porke
\nche ke\u2019 jay kawakta e b\u2019ak yaja\u2019, aketpa ume\u2019yn e ak\u2019ach tama e lugar yaja\u2019, i
\nma\u2019chi at\u2019oxpa tiko\u2019yt.<\/p>\n

A\u2019nch\u2019akna kalok\u2019oy tya\u2019 war ka\u2019xi ta b\u2019i\u2019r. Warix kasajka kasi\u2019. Kak\u2019atb\u2019uto\u2019r
\nkachijr twa\u2019 kache e k\u2019ajk tar tya\u2019 kak\u2019otoy katurwan Eskipula. Kak\u2019otoy ta kohn
\nSantiyago, tuno\u2019r e jente a\u2019tyob\u2019, porke che ke me\u2019rer ko\u2019choy tu\u2019t e Milagroso
\njayma ja\u2019x atesb\u2019iron.<\/p>\n

Konda kak\u2019otoy ta uti\u2019 chinam, kaka\u2019y kache resar. War kache resar esto
\nko\u2019choy maku\u2019 usantwaryo. Asta k\u2019a\u2019b\u2019a kache resar, kalok\u2019oy kasajka tya\u2019 twa\u2019
\nkaturwan. Aka\u2019y kachapi kab\u2019u\u2019r.<\/p>\n

Otro diya ka\u2019xi ka\u2019wan tuwam e jente tya\u2019 tzororob\u2019 twa\u2019 kalumuy tu\u2019pat e
\nkatata\u2019, Milagroso. Porke\u2019 tama e chinam yaja\u2019 wa\u2019r inte\u2019 dyos uk\u2019ab\u2019a Milagroso.<\/p>\n

II<\/p>\n

Che ke\u2019 dyos yaja\u2019 tajwina tama inte\u2019 u\u2019t yano. Wa\u2019r galan ach\u2019iri\u2019 ub\u2019ujk.
\nChe ke umorojse ub\u2019a e jente twa\u2019 uwirob\u2019. Pero e dyos yaja\u2019 ma\u2019chi uyakta
\nub\u2019a twa\u2019 ab\u2019ijchnu\u2019t. Porke che ke ayan ti\u2019ne k\u2019ani utares uwab\u2019u ta uyotot.<\/p>\n

III<\/p>\n

Konda ixto kay che\u2019na uyotot tu\u2019t e yano yaja\u2019, che ke ma\u2019chi uk\u2019ani twa\u2019
\naketpa yaja\u2019. Porke\u2019 wa\u2019r inte\u2019 noxi\u2019 alaguna tama uyoryi\u2019r e yano.<\/p>\n

Che ke konda a\u2019nch\u2019akna otronte\u2019 diya, a\u2019xin e\u2019rna tama uyotot tya\u2019 ache\u2019na
\ntwa\u2019 ketpa ani tamar. Mamajchi\u2019 konda a\u2019xin e\u2019rna. Ya\u2019 wa\u2019r tu\u2019yoriyi\u2019r e
\nalaguna. Inyajrto inyajrto ak\u2019ejcha awa\u2019b\u2019na ta uyotot. Ma\u2019chi aketpa.<\/p>\n

IV<\/p>\n

E jentyob\u2019 yaja\u2019 che\u2019nob\u2019, \u201cKocha twa\u2019 kache uyotot e katata\u2019 tara? Porke\u2019
\nme\u2019yra e alaguna. Ma kocha erer porke jay katz\u2019ojiro twa\u2019 era, uch\u2019amyo\u2019n e
\nsyerpo uwinkir e alaguna.<\/p>\n

V<\/p>\n

Pero che ke\u2019 inte\u2019 ilama wayk\u2019ijresna umen uwinkir e alaguna. Arob\u2019na tama
\nuwayak\u2019, \u201cJay utoyye\u2019nob\u2019 koche ink\u2019ani ne\u2019n, erer uchob\u2019i e o\u2019tot.\u201d<\/p>\n

VI<\/p>\n

E jentyob\u2019 yaja\u2019 kay umorojse ub\u2019ob\u2019. Uturub\u2019ob\u2019 e ak\u2019ach, e ajtzo\u2019, e
\nujtz\u2019ub\u2019, e kandela, e pan. Umorojse ub\u2019a e ixiktak, kay uchob\u2019 e sa\u2019, ti\u2019n ta
\nb\u2019ejrja\u2019. Konda turi\u2019x tuno\u2019r, ub\u2019ut\u2019yob\u2019 e sa\u2019 tama e b\u2019ujr, kay ub\u2019asyob\u2019 e
\nchumpi\u2019 tama e chijr. E ak\u2019ach ukuchyob\u2019 ixin ta uyoriyi\u2019r e alaguna.<\/p>\n

Uchob\u2019 kotwan e ilama xe\u2019 wayk\u2019a twa\u2019 (a)k\u2019ajb\u2019esyan tu\u2019t e syerpo yaja\u2019.<\/p>\n

VII<\/p>\n

Kay k\u2019ajb\u2019esyan e ilama. Uya\u2019re e syerpo, \u201cReyna Santa Kulebrina, Rey
\nKulebrina, ajk\u2019otoret i yumaret tama e alaguna ira, no\u2019n e pak\u2019ab\u2019 e konojon,
\nunemb\u2019iron twa\u2019 e ajtichaner dyos, war kayo\u2019pa katojti\u2019 yeset taka uyarak\u2019 e
\nSanta Magalena xe\u2019 e yumarb\u2019ir tama kawarak\u2019, i taka uchu\u2019 e chojb\u2019esb\u2019ir tyo\u2019b\u2019
\numen kawinkirar dyos. Ja\u2019x era atwa\u2019nib\u2019ir. Ira awira suturjut. Ch\u2019ama pasark\u2019ab\u2019.
\nUb\u2019in kak\u2019ajb\u2019esyaj. No\u2019n kachukpa\u2019r twa\u2019 awajk\u2019o\u2019n lugar tya\u2019 ka\u2019chi ingojr otot
\nta\u2019wejt\u2019ser. Porke\u2019 dyos xe\u2019 achekta tiko\u2019yt b\u2019anix k\u2019ani ak\u2019otori to\u2019r.<\/p>\n

Konda ulok\u2019se e ojroner yaja\u2019 e ilama, e alaguna kirikna kocha u\u2019t e k\u2019in.<\/p>\n

VIII<\/p>\n

Che ke\u2019 b\u2019a\u2019k\u2019ta e chan yaja\u2019 konda uyub\u2019i e k\u2019ab\u2019a\u2019j k\u2019otorer. Konda k\u2019a\u2019pa
\nk\u2019ajpesyan e ilama, i k\u2019a\u2019pi\u2019x uxuryob\u2019 unu\u2019k\u2019 e ajtzo\u2019 i e ak\u2019ach, achpa e ilama
\nojron. Uya\u2019re e jente, \u201cEntre ocho diya, ik\u2019ajyes e trabajo.\u201d<\/p>\n

IX<\/p>\n

Kay ub\u2019isyob\u2019 uwa\u2019rib\u2019 e otot. Uch\u2019ab\u2019o\u2019b\u2019 usanjir, tya\u2019 twa\u2019 utzoryob\u2019 e
\ntun, water maku\u2019 rum, xe\u2019 ujajchi\u2019b\u2019 e otot. Pero taka e akb\u2019ar, e alaguna tya\u2019
\nwar o\u2019yojk\u2019i, ak\u2019a\u2019pa uwinchu tuno\u2019r. Konda asakojpa, matuk\u2019a ayan. Ak\u2019a\u2019pa
\ne\u2019yncha a\u2019xi ta ja\u2019. Konda asakojpa otro diya, a\u2019xin uwirob\u2019, matuk\u2019a ayan xe
\nuchob\u2019. I b\u2019an tuno\u2019r diya. Kay ojronob\u2019. Che\u2019nob\u2019, \u201cIntaka kasati kab\u2019a. Ma\u2019chi
\nlok\u2019oy tuk\u2019a uche e ilama ira.\u201d<\/p>\n

X<\/p>\n

Sutpa wayk\u2019a e ilama. Arob\u2019na tama uwayak\u2019 ke uwinkir e alaguna uk\u2019ani
\numa\u2019n.<\/p>\n

Konda sutpa wayk\u2019a e ilama, umorojse ub\u2019a tuno\u2019r e jente xe\u2019 war apatno\u2019b\u2019.
\nUya\u2019ryob\u2019 e ilama usajka tama uk\u2019in twa\u2019 una\u2019tob\u2019 kocha uk\u2019ani uma\u2019n e chan
\nyaja\u2019, jay b\u2019ixir o chamen. Chekta tama e k\u2019in ke b\u2019ixir ak\u2019anna.<\/p>\n

XI<\/p>\n

I konda chekta ke\u2019 b\u2019ixir jente uk\u2019ani e syerpo, entonses e jentyob\u2019 yaja\u2019
\nxe\u2019 war apatno\u2019b\u2019 che\u2019nob\u2019, \u201cUk\u2019anya\u2019ch twa\u2019 ko\u2019choy ka\u2019wan, inte\u2019ntyo\u2019nach,
\nmakuy\u2019r e meskla b\u2019ixir b\u2019ixir.\u201d Porke che ke\u2019 uk\u2019ajtyob\u2019 ani e onya\u2019n jente
\nke\u2019 e otot yaja\u2019, konda kay jajcha, uwi\u2019rob\u2019 tari maku\u2019 rum. Che ke\u2019 chacha\u2019te\u2019
\ne winikob\u2019 wa\u2019b\u2019no\u2019b\u2019 tama uyeski\u2019nir, che ke b\u2019ixir b\u2019i xir. E winikob\u2019 yaja\u2019
\nosena wa\u2019b\u2019no\u2019b\u2019 makuy\u2019r e meskla tya\u2019 jajcha uwo\u2019yrob\u2019.<\/p>\n

XII<\/p>\n

Esto ke\u2019 uchob\u2019 koche yaja\u2019, entonses achpa e otot tu\u2019ob\u2019. Konda usta twi\u2019x
\nuk\u2019a\u2019pesob\u2019, jo\u2019tzpa inte\u2019 albanyil tari ta rum. Turuto use\u2019ynyir umenerob\u2019 esto
\nkone\u2019r. Che ke\u2019 e albanyil yaja\u2019 ajespanya ani.<\/p>\n

XIII<\/p>\n

Che ke ja\u2019x e syerpo yaja\u2019 kay ch\u2019amwan. B\u2019an ixto k\u2019otoy chekta e chinam
\nyaja\u2019. Poreso kone\u2019r che e jente ke\u2019 e santwaryo yaja\u2019 to\u2019r alaguna wa\u2019r. Che ke
\nkonda usta tokto, iraj iraj akirikna koche u\u2019t e k\u2019in, esto ke\u2019 kajcha unu\u2019k\u2019 e
\nsyerpo umen e milagroso, uyakta e kirikna\u2019r. Kone\u2019r cheker e alambra, sanar
\nwater to\u2019r e santwaryo, a\u2019xin maku\u2019 rum. Porke\u2019 che ke\u2019 ja\u2019x e chan yaja\u2019
\nkachar ch\u2019a\u2019r.<\/p>\n

XIV<\/p>\n

Che\u2019nob\u2019 ani ke\u2019 tarix e tyempo tama e nojk\u2019inob\u2019 me\u2019yra jente kay ketpa
\nyaja\u2019, winikob\u2019, ixiktak, maxtak. Porke\u2019 che ke\u2019 konda war anumwob\u2019 ta kamarin
\ntya\u2019 ch\u2019u\u2019r e milagroso tu\u2019t ukurusir, tya\u2019 alumwob\u2019 kotor kotor tu\u2019pat e
\nmilagroso, che ke ayan ti\u2019ne a\u2019b\u2019tz\u2019a u\u2019t e table takar. O\u2019tz\u2019pa a\u2019xin tama e
\nalaguna. Ti\u2019n asutpa unu\u2019k\u2019 tu\u2019pat. Che\u2019nob\u2019 ke ja\u2019x tye\u2019ne maja\u2019x inte\u2019ra
\nub\u2019ijnusyaj. Che ke umen e milagroso asujma unu\u2019k\u2019ob\u2019. Achamo\u2019b\u2019.<\/p>\n

XV<\/p>\n

Konda war anumwob\u2019 tu\u2019pat e milagroso tya\u2019 ch\u2019u\u2019r, tuno\u2019r uyakta utuminob\u2019
\ntu\u2019t. Ti\u2019n uyakta inte\u2019 kandela tu\u2019yejtz\u2019er. Che ke\u2019 twa\u2019 ajk\u2019una mas ukuxtar umen
\ne dyos yaja\u2019. Porke che ke\u2019 e dyos yaja\u2019 tawar twa\u2019 ulok\u2019se tuno\u2019r mab\u2019anb\u2019anir
\nlo ke\u2019 ayan tama e winik.<\/p>\n

XVI<\/p>\n

Poreso tama e nojk\u2019in yaja\u2019 ak\u2019otoy me\u2019yra jente ucho\u2019b\u2019 e penitente twa\u2019
\nakorpesno\u2019b\u2019 ta umab\u2019anb\u2019anirob\u2019. Tar tokto uti\u2019 e chinam akotwanob\u2019 kotor kotor
\nto\u2019r upixob\u2019 esto ak\u2019otwob\u2019 tya\u2019 ch\u2019u\u2019r e milagroso. Ti\u2019ne war ak\u2019o\u2019y o\u2019r upix
\ntya\u2019 r a\u2019xi kotor taka ya, ti\u2019ne b\u2019ut\u2019ur war axanob\u2019 taka ya uwayi usa\u2019ko\u2019b\u2019 tu\u2019t
\ne rum, ti\u2019n upo\u2019chjor, ti\u2019n usabana twa\u2019 numuy tamar, xe\u2019 war a\u2019xi kotor to\u2019r
\nupix.<\/p>\n

Ti\u2019ne war a\u2019b\u2019tz\u2019a usako uwix a\u2019xi uxich\u2019i delante esto ke\u2019 uk\u2019otesob\u2019 tya\u2019
\nch\u2019u\u2019r e milagroso, pero ayan ti\u2019n achamay umen e k\u2019o\u2019yer. Che\u2019nob\u2019 ke ja\u2019x e
\nme\u2019yra umab\u2019anb\u2019anir. Poreso achamay.<\/p>\n

XVII<\/p>\n

Poreso kwando war alok\u2019oy ta uyototob\u2019, uchob\u2019 resar twa\u2019 matuk\u2019a unumse
\nub\u2019o\u2019b\u2019 ta b\u2019i\u2019r. Ayan e kurus wa\u2019r a\u2019xin ta b\u2019i\u2019r. Najtokto uwirob\u2019. Aka\u2019y
\nuk\u2019asyob\u2019 unichir e k\u2019opot, jayma uk\u2019ab\u2019tajte\u2019 uwatz\u2019i unu\u2019k\u2019 uyokob\u2019 tamar.
\nUch\u2019ab\u2019u uyaktob\u2019 tu\u2019t e krus, twa\u2019 ma\u2019chi ak\u2019o\u2019yob\u2019.<\/p>\n

Ti\u2019ne ma\u2019chi utajwi tuk\u2019a ta(ma)r uwatz\u2019i unu\u2019k\u2019 uyok, uwajpi ub\u2019itor uwatz\u2019
\nunu\u2019k\u2019 uyok tamar. Jayma, uwajpi ingojr tun ub\u2019iti to\u2019r ukejreb\u2019 twa\u2019 uch\u2019ab\u2019u
\ntu\u2019t e krus. I b\u2019an konda sutpa ta uyototob\u2019.<\/p>\n

XVIII<\/p>\n

325. E nojk\u2019in yaja\u2019 aka\u2019y tama e primer diya enero. Ti\u2019n a\u2019xi tama el kwatro
\nayo\u2019pa ta uyotot el ocho. Ti\u2019n a\u2019xi tama el onse ayo\u2019pa tama el kinse ta
\nuyotot.<\/p>\n

331. Kalok\u2019oy ka\u2019xin Eskipula tama e diya martes, i ajcheyajso\u2019b\u2019, e diya tya\u2019
\nsataron Eskipula tarera, e diya jwebes, uyaryob\u2019 e ixim ta ja\u2019 twa\u2019 e sa\u2019. Tama
\ne diya byernes uwitrwob\u2019 u\u2019t e ixim. I otro diya xe\u2019 ja\u2019x e sabado sakojpa taka
\naka\u2019yob\u2019 ub\u2019ik\u2019to\u2019b\u2019. I konda akb\u2019are aka\u2019y uchapyob\u2019.<\/p>\n

Tama e diya sabado me\u2019yra upatnarob\u2019 porke\u2019 e ixiktak war uchob\u2019 e sa\u2019,
\ninmojr aka\u2019y umuxi uk\u2019ujmar e tamal, inmojr war uyusta e chumpi\u2019 i ak\u2019ach. I
\ne winikob\u2019, inmojr war usik\u2019b\u2019a e si\u2019, inmojr a\u2019xinob\u2019 ta xurlaw twa\u2019 e
\nb\u2019astamal. Konda ixto turi\u2019x, tuno\u2019r b\u2019uyurb\u2019irix tuno\u2019r e chumpi\u2019, aka\u2019y e ixiktak
\ntaka e b\u2019as tamal. E tamal, konda a\u2019nch\u2019akna, tak\u2019an.<\/p>\n

Ja\u2019xto e winikob\u2019 xe\u2019 turwob\u2019 inte\u2019ntyob\u2019ach alok\u2019oy a\u2019xin ta b\u2019i\u2019r taka e
\ntamal i e sa\u2019, twa\u2019 uk\u2019uxi xe\u2019 war ayo\u2019pa ta nojk\u2019in. I wak\u2019chetaka asutpa
\nwater tama otot twa\u2019 uya\u2019re alok\u2019esna e krus. E ixiktak aka\u2019y u\u2019ri ub\u2019ujkob\u2019 xe\u2019
\npo\u2019chb\u2019ir.<\/p>\n

Umek\u2019yob\u2019 e krus alok\u2019oy tu\u2019nib\u2019i\u2019r twa\u2019 o\u2019jtzna u\u2019t i twa\u2019 e b\u2019isirjut e
\nwinik xe\u2019 war ayo\u2019pa ta nojk\u2019in i e ajresador. E ixik umek\u2019e e krus i e winik
\nuyujmu e resensaryo taka e ujtz\u2019ub\u2019 kora kora.<\/p>\n

Jay ma\u2019chi a\u2019xin atajwino\u2019b\u2019 ta b\u2019i\u2019, uputob\u2019 ingojr kwete tya\u2019 ajambyajrix e
\notot twa\u2019 ana\u2019tanwa umen e turob\u2019 tama otot kewix ak\u2019otwob\u2019 yo\u2019b\u2019nojk\u2019inob\u2019.
\nKora kora moror e jente. Tu\u2019t b\u2019i\u2019r akojksanob\u2019 twa\u2019 axob\u2019 tama otot taka (e)
\nxe\u2019 war ayo\u2019pa ta nojk\u2019in. Porke k\u2019ani uyuch\u2019yob\u2019 e sa\u2019 i twa\u2019 atakarsanob\u2019
\nuchob\u2019 resar.<\/p>\n

Alok\u2019wob\u2019 tu\u2019nib\u2019i\u2019r taka e kurus, xe\u2019 war b\u2019ujkseb\u2019ir umenerob\u2019 makwi\u2019r e
\notot, twa\u2019 uchob\u2019 resar tu\u2019t. War ub\u2019utz\u2019ob\u2019 u\u2019t taka e ujtz\u2019ub\u2019 esto ke uyosyob\u2019
\nmaku\u2019. Porke che\u2019nob\u2019 ke\u2019 unawalir e milagroso ak\u2019otoy takarob\u2019 konda war
\nayo\u2019pa ta uyototob\u2019.<\/p>\n

Konda war o\u2019chob\u2019 maku\u2019, e ixik xe\u2019 umek\u2019e e krus i e winik xe\u2019 war
\nub\u2019utz\u2019a u\u2019t, uk\u2019unir uk\u2019unir axanob\u2019 takar. Konda k\u2019oto\u2019b\u2019 tu\u2019ti\u2019 e pwerta, o\u2019choy
\ne ixik taka e krus i e winik xe\u2019 war ub\u2019utz\u2019a. Tu\u2019pat o\u2019choy xe\u2019 war uche
\nresar i e ajyum nojk\u2019in. Tu\u2019pat e resador i e ajyum nojk\u2019in, utokchi ub\u2019a ochoy
\ntuno\u2019r e sya\u2019n jente xe\u2019 war atakarsanob\u2019 uchob\u2019 resar. Tye\u2019ne ma\u2019chi, aketpob\u2019
\nto\u2019r tinaj. Akojksanob\u2019 esto ak\u2019a\u2019pa e resar, porke ja\u2019xob\u2019 o\u2019chxo\u2019b\u2019 (?) i ajk\u2019ux
\ntamalob\u2019.<\/p>\n

War ak\u2019otwob\u2019. E ixik ak\u2019otoy tama uti\u2019 uchakte\u2019yr e krus, uwab\u2019u e krus
\ntu\u2019warib\u2019ir. I uyakta ub\u2019a akotwanob\u2019 tuno\u2019rob\u2019. I e winik xe\u2019 war ub\u2019utz\u2019a u\u2019t e
\nkrus, esto ak\u2019a\u2019pa e resar. Ya kotorob\u2019 esto ke ma ak\u2019a\u2019pa e resar a\u2019chpo\u2019b\u2019.<\/p>\n

XIX<\/p>\n

Konda ixto ak\u2019a\u2019pa e resar, amorojsena tuno\u2019r lo ke\u2019 war atikrumo\u2019b\u2019 taka e
\najcheyajsa\u2019. O\u2019senob\u2019 inkojtach inkojtach twa\u2019 asujkna e kandela ta ujorob\u2019 tuno\u2019r
\ne b\u2019ik\u2019it maxtak. Porke\u2019 che\u2019nob\u2019 ke ja\u2019x uchojb\u2019esyaj e milagroso xe\u2019 war
\nayo\u2019pa uk\u2019ajtyob\u2019. Ja\u2019x war upuko\u2019b\u2019 taka ti\u2019ne ma\u2019chi ixin ta nojk\u2019in. Konda
\nk\u2019a\u2019pa, entonses alok\u2019esna e tamal e sa\u2019. Konda ukojkob\u2019 amaxya\u2019n, aka\u2019yob\u2019 taka
\ne purut ujtz\u2019u\u2019b\u2019. Uputo\u2019b\u2019 e kwete e bomba tuno\u2019r e aldeyob\u2019. Taka e purut
\nkwete, konda a\u2019kb\u2019are, ak\u2019otoy esto a las dose de la noche e\u2019yryob\u2019.<\/p>\n

XX<\/p>\n

Porke konda war uputob\u2019 e ujtz\u2019ub\u2019, ja\u2019x e ora xe\u2019 war ak\u2019ajpesyanob\u2019.
\nUk\u2019ajtyob\u2019 tuno\u2019r lo ke uk\u2019anyob\u2019: ukuxtarob\u2019, unarob\u2019, ub\u2019u\u2019rob\u2019, ute\u2019rar ukafyob\u2019.
\nUk\u2019ajtyob\u2019 twa\u2019 ma\u2019chi ataki umen e k\u2019in.<\/p>\n

Uya\u2019ryob\u2019 e milagroso, \u201cTya\u2019 war kayo\u2019pa, kawire\u2019t. Ajk\u2019u no\u2019n lo ke no\u2019n
\nkak\u2019ani twa\u2019 ajk\u2019are tuk\u2019a kak\u2019uxi tiko\u2019tot. Manik ja\u2019x sajb\u2019esb\u2019ir tiko\u2019yt. Ajk\u2019u
\nno\u2019n utok\u2019or ko\u2019yt utok\u2019or kaweroj. Ira awakta o\u2019choy e mwak tiko\u2019tot. Tuno\u2019r
\nnawal ajmab\u2019anb\u2019an, ne\u2019t ik\u2019otori tu\u2019jor. Yara tama e montanyob\u2019 tya\u2019 matuk\u2019a e
\npak\u2019ab\u2019 e konoj.\u201d<\/p>\n

XXI<\/p>\n

Ja\u2019x era e akb\u2019ar yaja\u2019, tama el kinse de enero, ti\u2019ne war anojk\u2019ini taka
\nuwa\u2019rib\u2019 uyotot, xe\u2019 a\u2019rob\u2019na limosna. Konda ak\u2019axi e k\u2019in to\u2019r e witzir, aka\u2019y e
\nmuxsa\u2019. War amujxa esto a\u2019kb\u2019are. Konda k\u2019otoy a las nwebe de la noche, aka\u2019y
\nab\u2019ejrna e sa\u2019 ta ramada. Entonses a las dose de la noche ak\u2019a\u2019pa e k\u2019ajpesyaj.
\nAka\u2019y apujka e sa\u2019 taka e jente lo ke\u2019 turob\u2019. Asakojpa otro diya, aka\u2019y
\nawe\u2019se\u2019na tuno\u2019r e jente. Ajk\u2019unob\u2019 e tamal. Konda ak\u2019a\u2019pa e k\u2019uxtamal, aka\u2019y
\napukujk\u2019i e jente a\u2019xin ta uyototob\u2019.<\/div><\/div>\n

<\/span>32. Preparaciones para la Limosna<\/div>
\nHablante de ch’orti’: Isidro Gonz\u00e1lez
\nFrom John G. Fought. Chorti Maya Texts. 1972. Pages 462-470. University of Pennsylvania Press. Reprinted with permission.
\nTranscription\/translation by Ch\u2019orti\u2019 Project, Robin Quizar<\/p>\n

Fought 32 Preparations for the Limosna Ch’orti’<\/a>
\nFought 32 Preparations for the Limosna English Translation<\/a>
\nFought 32 Preparations for the Limosna Spanish Translation<\/a><\/p>\n

32 Preparaciones para la Limosna<\/p>\n

Konda ak\u2019otoy e diya e nojk\u2019in xe\u2019 arob\u2019na limosna, ta uchab\u2019i\u2019r umorojse ub\u2019a e
\nwinikob\u2019 aka\u2019y uchob\u2019 e ramada. B\u2019ajxan a\u2019xinob\u2019 usi\u2019kb\u2019o\u2019b\u2019 e te\u2019 ta k\u2019opot. Ti\u2019n
\nutares uwoyi\u2019r, ti\u2019n utares uti\u2019, ti\u2019n utares kirij. Uk\u2019echob\u2019 water.<\/p>\n

Konda ixto ayo\u2019po\u2019b\u2019 taka e te\u2019 awe\u2019senob\u2019. Konda k\u2019a\u2019pa\u2019 uyob\u2019, entonses aka\u2019yob\u2019
\nuyoryo\u2019b\u2019 e ch\u2019en twa\u2019 uwab\u2019wo\u2019b\u2019 e oy. Konda ak\u2019a\u2019pa uwab\u2019wob\u2019 uwoyi\u2019r, uk\u2019atb\u2019wob\u2019
\nuti\u2019, uch\u2019ab\u2019wob\u2019 ukula\u2019tir. Entonses uwab\u2019wo\u2019b\u2019 e chujp. Tama e chujp uk\u2019atb\u2019wob\u2019
\ninte\u2019 te\u2019 ta ujor twa\u2019 uk\u2019atrib\u2019 e kalson tyob\u2019 twa\u2019 water ub\u2019ajrib\u2019 e kirij.<\/p>\n

Konda k\u2019a\u2019pa ub\u2019aryob\u2019 e kirij, uxich\u2019yob\u2019 uyopor e kene\u2019 ta ujor. Unat\u2019yob\u2019 taka ete\u2019
\ntwa\u2019 ma\u2019chi o\u2019jresna umen e ik\u2019ar.<\/p>\n

Pero e ramada, uk\u2019ajna\u2019r turu upwestir. Ja\u2019x era xe\u2019 uk\u2019ampes ani e onya\u2019n ajyum tama
\nuwa\u2019rib\u2019 e otot yaja\u2019. Ja\u2019x era e krus xe\u2019 pak\u2019b\u2019ir umener. E krus yaja\u2019 ach\u2019i\u2019 aketpa
\nnoxi\u2019 te\u2019. I tya\u2019 war e te\u2019 yaja\u2019 inte\u2019to nojk\u2019in ache\u2019 na, ya a\u2019jcha e ramada, porke
\nuk\u2019ajna\u2019r ketb\u2019ir e pwesto yaja\u2019 twa\u2019 ataka (?) uturi\u2019b\u2019 e sa\u2019 ta e limosna.<\/p>\n

Poreso, achamay e tata\u2019b\u2019ir xe\u2019 uk\u2019ajyes e limosna, aketpa e unenb\u2019ir. I ja\u2019x taka, e
\npwesto yaja\u2019, asutpa uk\u2019ampes. I achamay unenb\u2019ir, e sitz\u2019b\u2019irob\u2019 ja\u2019x taka asutpa
\nuk\u2019ampesob\u2019. Porke che ke\u2019 e pwesto yaja\u2019 b\u2019an kocha inte\u2019 mesa xe\u2019 twa\u2019 kawe\u2019nib\u2019ir.<\/p>\n

Che ke\u2019 ya t\u2019ab\u2019esb\u2019ir upalangana unawalir e rum. Che ke konda war aturub\u2019ana tuno\u2019r sa\u2019,
\nak\u2019ach, chumpi\u2019 ujtz\u2019ub\u2019, che\u2019nob\u2019 ke koma ke\u2019 to\u2019r e mesa yaja\u2019 war uturub\u2019ob\u2019 tuno\u2019r .
\nI a\u2019chpa unawalir e rum uch\u2019ami tuno\u2019r lo ke\u2019 war aturub\u2019ana tu\u2019t.<\/p>\n

Konda o\u2019sta e ramada yaja\u2019, inte\u2019 diya intake makar wa\u2019r. Otro diya tya\u2019 twa\u2019
\nakb\u2019are e nojk\u2019in, k\u2019a\u2019patix uchob\u2019 e uya\u2019r aka\u2019yob\u2019 taka e adornasyon. Uchob\u2019 adorner
\ne aro i e krus i e cha\u2019te\u2019 kandela nukta\u2019. Ja\u2019xto ache\u2019na tuno\u2019r e diya.<\/p>\n

I konda ixto ak\u2019axi e k\u2019in to\u2019r e witzir, akimb\u2019una e si\u2019 ta k\u2019ajk twa\u2019 uyari
\nuyak\u2019rer. Uk\u2019ajna\u2019r usajkob\u2019 e te\u2019 uyob\u2019yob\u2019 xe\u2019 twa\u2019 k\u2019ampesna u\u2019t uk\u2019ajkir taka e
\nujtz\u2019ub\u2019. Asik\u2019b\u2019ana e murak, e chakajr, e ch\u2019oror, porke\u2019 (e) te\u2019 yaja\u2019 galan aje\u2019ray
\nu\u2019t, i ma\u2019chi atajpu\u2019t taka e ujtz\u2019u\u2019b\u2019.<\/p>\n

Esto ke ak\u2019otoy e ora, aka\u2019y ab\u2019ejrna e sa\u2019, atzojpa uyok e chumpi\u2019 i e ak\u2019ach,
\nach\u2019ab\u2019na tya\u2019 tzoror e kandela yaja\u2019 i e krus ta uyuxin e barko\u2019b\u2019 yaja\u2019, akotwan e
\najk\u2019ajpesyaj. I uxte\u2019 e winikob\u2019 aturwanob\u2019 makwi\u2019r e ramada twa\u2019 atakarsanob\u2019 alok\u2019oy
\nuch\u2019amyob\u2019 u\u2019t e k\u2019ajk tya\u2019 turu t\u2019orb\u2019ir.<\/p>\n

I konda ixto axujra unuk\u2019 e chumpi\u2019, ja\u2019x uxuryob\u2019 unuk\u2019, utzopyob\u2019 uyok uwich\u2019
\ntwa\u2019 ma\u2019chi atikruma e chumpyob\u2019 yaja\u2019. I e ajk\u2019ajpesyaj, konde war ach\u2019ich\u2019en e
\nchumpi\u2019, e ch\u2019ich\u2019 yaja\u2019 ak\u2019axi tama e ch\u2019en, e ajk\u2019ajpesyaj turu war ak\u2019ajpesyan
\ntaka unawalir e rum.<\/p>\n

Konda ak\u2019a\u2019pa e xuru nuk\u2019 chumpi\u2019, entonses alok\u2019wob\u2019 tama unye\u2019b\u2019i\u2019rob\u2019 taka e sa\u2019
\ni u\u2019t e k\u2019ajk. Ti\u2019n uk\u2019eche u\u2019t e k\u2019ajk, ti\u2019n ulat\u2019i e sa\u2019, ti\u2019n uk\u2019eche e ujtz\u2019ub\u2019. Tarixto
\nuxte\u2019 e winikob\u2019 yaja\u2019 aturwanob\u2019 ajtakarsaj twa\u2019 e ajk\u2019ajpesyaj xe\u2019 pejkb\u2019ir.<\/p>\n

Konda ak\u2019a\u2019pa\u2019 ayajra e sa\u2019 tama e ch\u2019en yaja\u2019, i e uch\u2019ich\u2019er e chumpi\u2019,
\nuch\u2019e\u2019nar e ujtz\u2019u\u2019b\u2019, konda ixto k\u2019a\u2019pi\u2019x tuno\u2019r, upakb\u2019wob\u2019 ingojr noxi\u2019 tun tamar twa\u2019
\nma\u2019chi ulajch\u2019i e tz\u2019i\u2019 lo ke\u2019 ayan tama e ch\u2019en.<\/p>\n

E ch\u2019en yaja\u2019 ya maker esto ak\u2019otoy anyo. Koche twa\u2019 ak\u2019axi e nojk\u2019in otronyajr
\nAsutpa upasyob\u2019. I mamajchi erer upijchi e pwesto yaja\u2019, porke che ke at\u2019e\u2019nsan I
\nporeso jay kana\u2019ta ke\u2019 uturib\u2019 sa\u2019, me\u2019rer kayojko. Porke che ke at\u2019e\u2019nsan, usuti e
\nch\u2019i\u2019ch\u2019na\u2019k\u2019ir i e sampa\u2019r.<\/p>\n

E diya twa\u2019 akb\u2019are e nojk\u2019in ayan me\u2019yra ti\u2019ne war atakarsanob\u2019. Uchob\u2019 tuno\u2019r
\nlo ke twa\u2019 ak\u2019ampa tama e nojk\u2019in.<\/p>\n

Ti\u2019n war upak\u2019i e ujtz\u2019u\u2019b\u2019, ti\u2019n war axurlawi, ti\u2019n war utz\u2019otyo\u2019b\u2019 e yawal, i e
\nixiktak war atikrumo\u2019b\u2019 taka e cheyajsa\u2019. Me\u2019yra trabajo two\u2019b\u2019 tama e diya yaja\u2019.<\/p>\n

Konda k\u2019otesna e law, aka\u2019y ab\u2019a\u2019nlawyob\u2019 . War ab\u2019astamalyob\u2019 esto ak\u2019otoy a las
\ndos de la manyana. Matuk\u2019a wayner two\u2019b\u2019.<\/p>\n

Ayan inte\u2019 ilama xe\u2019 a\u2019rob\u2019na kapitana ke\u2019 ja\u2019x akanseyan tama tuno\u2019r lo ke
\nache\u2019npa. Ja\u2019x uche mandar tama tuno\u2019r e ixiktak xe o\u2019ych\u2019umwob\u2019. Ja\u2019xtix k\u2019a\u2019r
\numener tuk\u2019a\u2019tuk\u2019a\u2019 twa\u2019 che\u2019npa, ke tuk\u2019a ora alok\u2019oy e sa\u2019. I ja\u2019x upuk\u2019i e chocolate
\nuyari tama e sa\u2019. I e utzutzer e chumpi\u2019 ub\u2019asi tama e law twa\u2019 uche mandar amajka
\nmaku\u2019 rum tya\u2019 turu upwestir e ch\u2019i\u2019ch, tama e mesa tya\u2019 turub\u2019ana e sa\u2019 i tya\u2019 xujra
\nunuk\u2019 e chumpyob\u2019. Ma\u2019chi uyakta achokpa e tzutz yaja\u2019. Tuno\u2019r ub\u2019asi. I poreso
\nuk\u2019ajna\u2019r apejkna twa\u2019 taka uwira tuk\u2019a\u2019tuk\u2019a\u2019 twa\u2019 ache\u2019npa.<\/p>\n

I b\u2019an e winikob\u2019, ayan inte\u2019 aturub\u2019ana umen e ajyumnojk\u2019in twa\u2019 uwira
\ntuk\u2019a\u2019tuk\u2019a\u2019 twa\u2019 ache\u2019npa. Ti\u2019n usakre a\u2019xin ta xurlaw, ti\u2019n usakre a\u2019xin ta tz\u2019otyawal,
\nti\u2019n uche mandar uche adorner, i ti\u2019n uyajnes a\u2019xin ta taresyaj oyokkene\u2019. Porke
\nuk\u2019ajna\u2019r turub\u2019ab\u2019ir twa\u2019 uya\u2019re ache\u2019na tuno\u2019r lo ke\u2019 uk\u2019ani tama e nojk\u2019in yaja\u2019.<\/p>\n<\/div><\/div>\n

<\/span>33. Ofrenda al Esp\u00edritu de la Tierra<\/div>
\nHablante de ch’orti’: Isidro Gonz\u00e1lez
\nFrom John G. Fought. Chorti Maya Texts. 1972. Pages 471-481. University of Pennsylvania Press. Reprinted with permission.
\nTranscription\/translation by Ch\u2019orti\u2019 Project, Robin Quizar<\/p>\n

Fought 33 Offering to the Earth Spirit Ch’orti’<\/a>
\nFought 33 Offering to the Earth Spirit English Translation<\/a>
\nFought 33 Offering to the Earth Spirit Spanish Translation<\/a><\/p>\n

33 Ofrenda al Esp\u00edritu de la Tierra<\/p>\n

Ayan inte\u2019 nojk\u2019in ache\u2019na tama e lugar tya\u2019 ture\u2019n, i maja\u2019x ajrer taka tama e lugar tya\u2019
\nne\u2019n inture\u2019n, tuno\u2019r e alde\u2019yob\u2019 uchob\u2019 e nojk\u2019in yaja\u2019.<\/p>\n

Tama el kinse de enero, tya\u2019 war ayo\u2019pa e jente ta nojk\u2019in Iskipula, ti\u2019 ne una\u2019ta uche
\nlimosnar uwa\u2019rib\u2019 uyotot tya\u2019 turu tamar era e ajetarde yaja\u2019 tya\u2019 war ayo\u2019pa ta nojk\u2019in.
\nAka\u2019y amujxa e sa\u2019, ab\u2019ut\u2019k\u2019a e syan ixiktak twa\u2019 uchob\u2019 e sa\u2019, e winikob\u2019 twa\u2019 apatnob\u2019
\ntama e nojk\u2019in yaja\u2019. Konda ukojkob\u2019 ak\u2019axi e k\u2019in to\u2019r e witzir, koche a las kwatro o a
\nlas sinko, aka\u2019y e muxsa\u2019, war amujxa esto ak\u2019otoy a las syete o a las ocho.<\/p>\n

Konda ixto turi\u2019x e sa\u2019 a\u2019b\u2019i\u2019x pujk\u2019a, aka\u2019y ab\u2019ejrna a\u2019xin ta ramada, tya\u2019 wa\u2019r e ramada.
\nAyan ti\u2019ne\u2019 uturub\u2019a esto sinkwenta barko, ti\u2019n treynta, ti\u2019n beynte sinko, ti\u2019n kwarenta,
\npero b\u2019an uturub\u2019ob\u2019. Konda aka\u2019y ab\u2019ejrna e sa\u2019 yaja\u2019 awa\u2019b\u2019na tama u\u2019t e krus tya\u2019 war e
\nramada atzojra a\u2019xin. Konda k\u2019a\u2019pa awa\u2019b\u2019na e nukta barko xe\u2019 e chi\u2019chi\u2019 sa\u2019, ayajra e pan
\ntu\u2019jor i e chokolate xe kawa\u2019re kakaw. I entonses water cha\u2019te\u2019 yarob\u2019 b\u2019ik\u2019it ruch, e b\u2019an
\ntaka, maja\u2019x taka cha\u2019b\u2019 nyen taka pan. E cha\u2019te\u2019 ruch yaja\u2019 che ke ja\u2019x twa\u2019 e anjelob\u2019.
\nPorke che ke\u2019 e anjelob\u2019 ma\u2019chi uyuch\u2019yob\u2019 me\u2019yra. I awa\u2019b\u2019na inte\u2019 noxi\u2019 barko xe\u2019 utajwi
\nme\u2019yra e sa\u2019, i e barko yaja\u2019 konda ixto turi\u2019x tuno\u2019r tama e ramada.<\/p>\n

K\u2019a\u2019pi\u2019x wa\u2019b\u2019na e sa\u2019 i kacharix uyok e ajtzo\u2019 i utu\u2019 e chumpi\u2019, e ak\u2019ach i
\nturi\u2019x tuno\u2019r, entonses aka\u2019y, ti\u2019ne\u2019 waru\u2019 e ti\u2019ne\u2019 pejkb\u2019ir twa\u2019 uk\u2019a\u2019 uk\u2019a unumse yaje\u2019
\ne limosna yaja\u2019 aka\u2019y ak\u2019ajpesyan. War ak\u2019ajpesyan ejsto ak\u2019otoy a las dose de la noche.
\nPorke\u2019 eyxna aturwan ak\u2019ajpesyan porke\u2019 e ajk\u2019ajpesyaj yaja\u2019 uk\u2019ajna\u2019r apejkna umen e
\najyumnojk\u2019in. Pero ti\u2019ne ja\u2019xach una\u2019ta kocha twa\u2019 ak\u2019ajpesyan ma\u2019chi upejka otronte\u2019.
\nPero jay ajyumnojk\u2019in ma\u2019chi una\u2019ta kocha twa\u2019 ak\u2019ajpesyan, upejka otronte\u2019 ti\u2019n
\nuna\u2019ta. I e ajk\u2019ajpesyaj yaja\u2019, konda war ak\u2019ajpesyan turu, uya\u2019re xe che\u2019no\u2019b\u2019 ke\u2019 e
\nunawalir e rum.<\/p>\n

Che koche\u2019ra: \u201cNwestra madre santisima, tya\u2019 aktab\u2019iret umen e kawinkirar dyos,
\nxe\u2019 b\u2019ixir turu tu\u2019tk\u2019in, i ne\u2019t uyakte\u2019t, i no\u2019n turo\u2019n war kalajtz\u2019we\u2019t. War kache
\ntuk\u2019i\u2019kxix takaret, ke\u2019 no\u2019n awiro\u2019n mab\u2019anb\u2019an. Mab\u2019anb\u2019anon, tuk\u2019i\u2019kxix, awira kache.
\nPero ira k\u2019a\u2019pa\u2019 apasensya. Awiro\u2019n, chojb\u2019eson, ira awiro\u2019n suturjut. Turu b\u2019an
\nachojb\u2019esyaj tamaron i kone\u2019r no\u2019n e pak\u2019ab\u2019 e konojon warto kak\u2019ajb\u2019we\u2019t taka
\nkawarak\u2019 tya\u2019 war kat\u2019oxi. I no\u2019n kak\u2019ani ke\u2019 ne\u2019t twa\u2019 achojb\u2019eson; ira (a)wakta ak\u2019axi
\ne mwak tama kamaxtak i tamaron, tama tuno\u2019r kawarak\u2019 lo ke no\u2019n katurub\u2019a. Tara
\nkatares kawarak\u2019, kaja\u2019x atwa\u2019nib\u2019ir, i tamar katojti\u2019yeset. Iranon pasarjut i ajk\u2019unon
\ntuk\u2019a kak\u2019uxi pasark\u2019ab\u2019.<\/p>\n

E winik yaja\u2019 aturwan ak\u2019ajpesyan. Me\u2019yra uk\u2019ajpesyaj. Uk\u2019ajti twa\u2019 ma\u2019chi o\u2019choy
\ne mwak, uk\u2019ajti twa\u2019 ma\u2019chi achamay e ak\u2019ach, uk\u2019ajti twa\u2019 ma\u2019chi achamay e maxtak,
\ntwa\u2019 ma\u2019chi ak\u2019axi inte\u2019 mwak tama e otot, porke\u2019 che ke\u2019 poreso atwa\u2019na taka e
\nujtz\u2019ub\u2019, e chumpi\u2019, e ak\u2019ach. Che ke ja\u2019x utwa\u2019nib\u2019ir twa\u2019 ma\u2019chi uyakta o\u2019choy e
\nmwak ak\u2019axi tama e otot.<\/p>\n

Konda ixto ak\u2019a\u2019pa ak\u2019ajpesyan, entonses aka\u2019y alok\u2019wob\u2019 tu\u2019nye\u2019 b\u2019i\u2019rob\u2019 taka u\u2019t e
\nk\u2019ajk i e resensaryo. War upu\u2019tz\u2019o\u2019b\u2019 u\u2019t e b\u2019i\u2019r a\u2019xinob\u2019 uk\u2019echob\u2019 inte\u2019nte\u2019 ruch sa\u2019,
\nuyaryob\u2019 tama unye\u2019b\u2019i\u2019r, i uk\u2019echob\u2019 ko\u2019r u\u2019t k\u2019ajk taka e ujtz\u2019ub\u2019 twa\u2019 uyaryob\u2019 tama
\ne ch\u2019en tya\u2019 uyoryob\u2019 umenerob\u2019. Porke\u2019 e ch\u2019en yaja\u2019 ayojra kocha\u2019tix anamtz\u2019a e k\u2019in.
\nAka\u2019y axana ayojra e ch\u2019en tama unye\u2019b\u2019i\u2019rob\u2019. Inte\u2019 ayojra twa\u2019 atujka e sa\u2019 tamar,
\ninte\u2019 ayojra twa\u2019 aturb\u2019ana u\u2019t e k\u2019ajk tamar tya\u2019 ta apuruy e ujtz\u2019ub\u2019.<\/p>\n

I che ke\u2019 yaje\u2019 yarob\u2019 e ch\u2019en yaja\u2019, xe\u2019 atujka e sa\u2019 tar i tya\u2019 turb\u2019an u\u2019t e
\nk\u2019ajk taka e ujtz\u2019ub\u2019, che ke ja\u2019x kocha inte\u2019 makte\u2019, twa\u2019 ma\u2019chi anumuy e winkir e
\nmwak o\u2019 tuk\u2019a\u2019xix nawalir lo ke\u2019 k\u2019ani o\u2019choy tama e otot, pero che ke ja\u2019x e sa\u2019
\nyaja\u2019 i e ujtz\u2019ub\u2019 ja\u2019x komo, ja\u2019x uturub\u2019o\u2019b\u2019 kocha inte\u2019 makte\u2019 twa\u2019 ma tuk\u2019a
\nanumuy tamar. I los kwatro uyeski\u2019nir unye\u2019b\u2019i\u2019rob\u2019 yaja\u2019 axana uyaryob\u2019 e sa\u2019 tamar i
\ne ujtz\u2019ub\u2019 taka u\u2019t e k\u2019ajk. Che ke\u2019 kocha inte\u2019 makte\u2019 war umaki u\u2019t uyototob\u2019 tamar
\nta\u2019 ma\u2019chi o\u2019choy e mwak. I konda.<\/p>\n

Pero yaje\u2019 xe\u2019 mas e pwesto xe\u2019 mas me\u2019yra uk\u2019ampi\u2019b\u2019ir ja\u2019x e tya\u2019 wa\u2019r e
\nramada , porke\u2019 ya wa\u2019r inte\u2019 krus xe\u2019 pak\u2019b\u2019ir uk\u2019ajna\u2019r umenerob\u2019. I tama usuy e
\nkrus yaja\u2019 ya\u2019 atujka e sa\u2019, ya\u2019 axujra unuk\u2019 e ak\u2019ach, i ajtzo\u2019, I utu\u2019 e chumpi\u2019. Ya
\natujka inte\u2019rti\u2019 barko e sa\u2019 xe che\u2019nob\u2019 saksa\u2019. I e cha\u2019te\u2019 b\u2019ik\u2019it ruch xe\u2019 che\u2019nob\u2019 ke
\ntwa\u2019 e anjelob\u2019 ya\u2019 utukyob\u2019 tama usuy e krus yaja\u2019. I konda ixto ak\u2019a\u2019pa tuno\u2019r,
\nentonses aka\u2019y upukyob\u2019 e sa\u2019 lo ke\u2019 wa\u2019r umenerob\u2019, xe\u2019 e sa\u2019 cheb\u2019ir taka e chab\u2019 i
\ne pan tu\u2019jor, aka\u2019y upukyob\u2019 taka e jente.<\/p>\n

Konda k\u2019a\u2019pa e pukmayaj yaja\u2019 taka e sa\u2019 e jente ayan ti\u2019n a\u2019xin ta uyotot i
\nayan ti\u2019ne aketpa. Aturwan porke\u2019 ma\u2019chi awayenob\u2019, porke\u2019 e winik xe\u2019 pejkb\u2019ir war
\nunumse o\u2019 xe\u2019 war ak\u2019ajpesyan taka e rum, ma\u2019chi awayan, porke uk\u2019ajna\u2019r pejkb\u2019ir ke
\nja\u2019x war unumse e nojk\u2019in yaja\u2019. Tuno\u2019r e ujtz\u2019u\u2019b\u2019 lo ke\u2019 ayan uk\u2019ani twa\u2019 k\u2019a\u2019pa
\nuputa ejsto a\u2019nch\u2019akna u\u2019t e rum. I jay me\u2019yra e ujtz\u2019u\u2019b\u2019, war uputa ak\u2019otoy esto a
\nlas syete e otro diya.<\/p>\n

Entonses e chumpi\u2019 xe\u2019 war achamesna yaja\u2019, e ak\u2019ach, konda ixto ak\u2019a\u2019pa a\u2019che\u2019na
\ne k\u2019ajpesyaj, entonses ak\u2019ejcha tuno\u2019r e ajtzo\u2019 lo ke\u2019 chamesnob\u2019 yaja\u2019, ak\u2019ejcha a\u2019xin
\ntya\u2019 war ache\u2019na e kosina, tya\u2019 b\u2019ut\u2019ur ixiktak twa\u2019 uyusto\u2019b\u2019. I aka\u2019y ugoryob\u2019 uchob\u2019
\ne tamal. I e tamal yaja\u2019, konda che a\u2019nch\u2019akna u\u2019t e rum, wix atak\u2019a e tamal,
\nentonses aka\u2019y apujka taka e jente xe\u2019 sakojpo\u2019b\u2019 yaja\u2019 ta nojk\u2019in, aka\u2019y ajk\u2019una
\nuk\u2019uxob\u2019.<\/p>\n

I konda ixto ak\u2019a\u2019pa tuno\u2019r e pukmayaj yaja\u2019, entonses alok\u2019oy e winik xe\u2019 war
\nak\u2019ajpesyan, alok\u2019oy a\u2019xin ta uyotot. A\u2019jk\u2019una ingojr b\u2019ujr usa\u2019 twa\u2019 uk\u2019eche a\u2019xin ta
\nuyotot, i ajk\u2019una inkojt \u2019orti\u2019 e ak\u2019ach uk\u2019eche a\u2019xin i ajk\u2019una e tamal twa\u2019 uk\u2019eche
\na\u2019xin ta uyotot. Porke che ke\u2019 kocha uk\u2019ajna\u2019r pejkb\u2019ir i ajk\u2019una me\u2019yra tuno\u2019r lo ke\u2019
\nwar aturb\u2019ana yaja\u2019. Ja\u2019xto era, tama e lugarob\u2019 ti\u2019ne una\u2019ta anojk\u2019ini tama uwa\u2019rib\u2019
\nuyotot.
\n<\/div><\/div>\n

<\/span>34. El nacimiento del sol<\/div>
\nHablante de ch’orti’: Isidro Gonz\u00e1lez
\nFrom John G. Fought. Chorti Maya Texts. 1972. Pages 482-486. University of Pennsylvania Press. Reprinted with permission.
\nTranscription\/translation by Ch\u2019orti\u2019 Project, Robin Quizar<\/p>\n

Fought 34 Birth of the Sun Ch’orti’<\/a>
\nFought 34 Birth of the Sun English Translation<\/a>
\nFought 34 Birth of the Sun Spanish Translation<\/a><\/p>\n

34 El nacimiento del sol<\/p>\n

Otronte\u2019 nojk\u2019in ache\u2019na tama e dose de marso. Che ke\u2019 tama e diya yaja\u2019, e
\nukuxna\u2019r e k\u2019in xe\u2019 ujanch\u2019akneson to\u2019r e rum. Che ke e k\u2019in yaja\u2019 maja\u2019x inte\u2019ra
\nuk\u2019ab\u2019a\u2019 Xe\u2019r e mas na\u2019tanb\u2019ir umen e jente turu tama Jesu Kristo. Che ke konda war
\na\u2019nch\u2019akna uk\u2019ab\u2019a\u2019 Ninyo Redentor de Mundo. I inte\u2019 k\u2019ab\u2019a\u2019 Ninyo de Pestejo, i inte\u2019
\nk\u2019ab\u2019a\u2019 San Gregoryo Ajtz\u2019ab\u2019tesyaj, i inte\u2019 k\u2019ab\u2019a\u2019 San Antonyo de Justisya, i inte\u2019
\nNinyo de Kustodyo, i inte\u2019 Ninyo de Rejujyo, i inte\u2019 Ninyo San Paskwal, i inte\u2019
\nNinyo de Sokorro, i inte\u2019 Ninyo Kreador. Che\u2019nob\u2019 ke\u2019 a kada ora intyach\u2019ix uk\u2019ab\u2019a\u2019.<\/p>\n

E luna turu uk\u2019ab\u2019a\u2019 umenerob\u2019 tama Reyna Santa Mariya. I inte\u2019 Reyna Piyedad, i
\ninte\u2019 Reyna Karidad, i inte\u2019 e Reyna de Sokorro, Reyna de Justisya, Reyna de
\nKustodyo. Porke che ke\u2019 e luna ixka\u2019rb\u2019ir twa\u2019 e San Gregoryo.<\/p>\n

Che\u2019nob\u2019 ke konda kachamay, no\u2019n e winikon, che\u2019nob\u2019 ke\u2019 konda kak\u2019otoy tya\u2019
\nturu e dyos, che ke\u2019 ja\u2019x e Reyna a\u2019tz\u2019o tamaron, no\u2019n e winikon. I e ixiktak
\na\u2019jtz\u2019o\u2019b\u2019 umen e Jesu Kristo. Che\u2019nob\u2019 ke konda ak\u2019a\u2019pa a\u2019jtz\u2019a, ayajra ta k\u2019ajk xe
\na\u2019rob\u2019na Purgatoryo esto ke atz\u2019akta anyo kocha e chamen.<\/p>\n

Konda k\u2019a\u2019pi\u2019x utoyi tuno\u2019r umab\u2019anb\u2019anir, entonses ak\u2019otoy e anjelob\u2019 ach\u2019ujya\u2019
\nlok\u2019oy ta uya\u2019m e k\u2019ajk twa\u2019 aturwan taka e dyos. Porke che ke\u2019 e k\u2019ajk yaja\u2019
\nturb\u2019ab\u2019ir umen e dyos, ke\u2019 ja\u2019x uputa i upoki tuno\u2019r mab\u2019anb\u2019anir lo ke\u2019 ayan
\ntamaron. Che ke\u2019 aktab\u2019ir umene dyos, ke\u2019 ja\u2019x e lugar tya\u2019 atwa\u2019npa tuno\u2019r
\nmab\u2019anb\u2019anir xe\u2019 ache\u2019npa ani to\u2019r e rum. Poreso e jente ak\u2019ajpa ak\u2019ajpa ak\u2019ajpesyanob\u2019
\ntu\u2019t. Che ke\u2019 twa\u2019 ma\u2019chi a\u2019jtz\u2019o\u2019b\u2019 me\u2019yra konda achamo\u2019b\u2019.<\/p>\n

Tarix e tyempo, tye\u2019ne winikob\u2019ix ejk\u2019ar ejk\u2019ar ak\u2019ajpesyanob\u2019. Najt k\u2019ani a\u2019nch\u2019akna
\na\u2019chpa taka tu\u2019t uch\u2019aktyo\u2019b\u2019 a\u2019xin akotwanob\u2019 ta upat otot. Utz\u2019ajb\u2019es ukande\u2019lob\u2019 aka\u2019y
\nak\u2019ajb\u2019esyanob\u2019 tu\u2019t. Porke\u2019 che\u2019nob\u2019 ani ke ja\u2019x e yumarb\u2019ir tama tuno\u2019r lo ke\u2019 ayan.
\nB\u2019anto esto\u2019 kone\u2019r.<\/p>\n

Poreso tama el dose de marso me\u2019yra ti\u2019ne uche e nojk\u2019in yaja\u2019. Uputa e kwete,
\nuturb\u2019o\u2019b\u2019 e kandela, e ujtz\u2019u\u2019b\u2019, e sa\u2019, uxuryo\u2019b\u2019 unuk\u2019 e chumpi\u2019.<\/p>\n

Xe\u2019 kayto u\u2019mb\u2019i ukontajob\u2019, lo ke\u2019 uk\u2019ajtyob\u2019 ani i tuno\u2019r lo ke\u2019 inwira uchob\u2019,
\nkonda war ak\u2019ajb\u2019esyanob\u2019, ja\u2019x e k\u2019ab\u2019o\u2019b\u2019 ira, kochyach ma\u2019chix turob\u2019: Jwelis
\nGonsales, e Damasyo Lopes, e Krus Suchete, e Santyago de Rosa, Nakleto Ramires,
\nPedro Morales, Felisyana Suchete, Narsiso Albares.
\n<\/div><\/div>\n

<\/span>35. Oraciones al sol<\/div>
\nHablante de ch’orti’: Isidro Gonz\u00e1lez
\nFrom John G. Fought. Chorti Maya Texts. 1972. Pages 487-490. University of Pennsylvania Press. Reprinted with permission.
\nTranscription\/translation by Ch\u2019orti\u2019 Project, Robin Quizar<\/p>\n

Fought 35 Prayers to the Sun Ch’orti’<\/a>
\nFought 35 Prayers to the Sun English Translation<\/a>
\nFought 35 Prayers to the Sun Spanish Translation<\/a><\/p>\n

35 Oraciones al sol<\/p>\n

E k\u2019ajb\u2019esyaj xe ache\u2019na taka e k\u2019in, ache\u2019na a las sinko de la manyana. Ja\u2019x e ora xe\u2019
\nerer uk\u2019ajtyob\u2019 takar lo ke\u2019 k\u2019ani uk\u2019ajtyob\u2019.<\/p>\n

Uya\u2019ryob\u2019, \u201cKatata\u2019 dyoset. Ne\u2019t kayumaret tu\u2019t k\u2019in. Ajk\u2019in ajk\u2019in, itz\u2019a\u2019b\u2019tesyan
\ntiko\u2019r. Mejk\u2019ar katoyi achojb\u2019esyaj lo ke\u2019 ache takaron. Tuno\u2019r e ajk\u2019in; ma kocha
\ntwa\u2019 katoye\u2019t.\u201d<\/p>\n

Pero kana\u2019ta ke\u2019 uchu\u2019 ya ob\u2019ok\u2019na\u2019rte\u2019 xe\u2019 chojb\u2019esb\u2019ir amen to\u2019r e rum, no\u2019n e b\u2019ak\u2019ab\u2019
\ne konojon kache tuminb\u2019ir twa\u2019 kache ofreser to\u2019yt, kocha inte\u2019 twa\u2019nib\u2019ir ta\u2019b\u2019a. Porke\u2019
\nne\u2019t era achojb\u2019es to\u2019r e rum. I kawarak\u2019 tya\u2019 war awajk\u2019o\u2019n to\u2019r e rum. Kone\u2019r ira tya\u2019
\nturo\u2019n, katz\u2019intz\u2019a tama kawalma. Taka uk\u2019unir kaweroj, turo\u2019n kapete kab\u2019a to\u2019yt.<\/p>\n

Iranon kone\u2019r pasarjut, ch\u2019ama pasark\u2019ab\u2019 lo ke\u2019 turu kamener ta utajn e nwestra madre
\nsantisima. Iranon tya\u2019 war kak\u2019eche kak\u2019ab\u2019 to\u2019yt. Kone\u2019r pasark\u2019ab\u2019 k\u2019eche ak\u2019ab\u2019
\ntiko\u2019r taka tuno\u2019r ayajtzaj.<\/p>\n

Ira awakto\u2019n kak\u2019axi ta uk\u2019ab\u2019 e malombre, i ta uk\u2019ab\u2019 tuno\u2019r ajnawal mab\u2019anb\u2019an. Jay
\nayan tya\u2019 turu kapya\u2019rob\u2019, uyujta uxeror musi\u2019k\u2019ob\u2019 tiko\u2019r. Pero ne\u2019t tawaret twa\u2019
\nakorpeson tama tuno\u2019r xeror musi\u2019k tya\u2019 watar tiko\u2019r. Ira awakta ak\u2019ek\u2019o tya\u2019 turo\u2019n
\nmakwi\u2019r ko\u2019tot taka yarob\u2019 kamaxtak i tama kawarak\u2019 tya\u2019 war kat\u2019oxi. Tuno\u2019r mwak tya\u2019
\nwater tiko\u2019r, ujtanchik ta uch\u2019u\u2019r montanya, tya\u2019 matuk\u2019a e b\u2019ak\u2019ab\u2019 e konoj.<\/p>\n

No\u2019n ma tawaron tya\u2019 asote e kastigo. Ajk\u2019uno\u2019n utok\u2019or ko\u2019yt, tok\u2019or kaweroj, i
\nuk\u2019ek\u2019onib\u2019 ko\u2019k, uk\u2019ek\u2019onib\u2019 kak\u2019ab\u2019, tya\u2019 war aku\u2019myan e\u2019iximyan e b\u2019ak\u2019ab\u2019 e konoj.
\nIra ak\u2019a\u2019pa apasensya takaron. Ch\u2019ujk\u2019unon ejk\u2019ar ejk\u2019ar taka tuno\u2019r ak\u2019unersyaj.<\/p>\n

Konda war apuruy e ujtz\u2019u\u2019b\u2019 i e kandela, uch\u2019ujk\u2019wob\u2019 jay war at\u2019ab\u2019ay ub\u2019utz\u2019a\u2019r
\ntichan i uwarar e k\u2019ajk tama e kandela. I jay e kandela war o\u2019yk\u2019i o\u2019 war aju\u2019cha
\nme\u2019yra, che\u2019nob\u2019 ke\u2019 ma\u2019chi war o\u2019b\u2019na tuk\u2019a war uk\u2019ajtyob\u2019, o ke\u2019 ayan chi k\u2019ani
\nachamay tama e otot.<\/p>\n

Entonses usik\u2019b\u2019ob\u2019 inte\u2019 ajk\u2019in twa\u2019 uk\u2019ini uwira tuk\u2019a k\u2019ani anumuy tama e otot.
\nJay ma, a\u2019xob\u2019 twa\u2019 ti\u2019n ayan unaype twa\u2019 uche adebinar lo ke\u2019 a\u2019xi anumuy tama
\ne otot. Jay chekta k\u2019ani achamay, entonses aka\u2019y taka e purut kandela ejk\u2019ar ejk\u2019ar.
\n<\/div><\/div>\n

<\/span>36. Semana santa en Esquipulas<\/div>
\nHablante de ch’orti’: Isidro Gonz\u00e1lez
\nFrom John G. Fought. Chorti Maya Texts. 1972. Pages 491-499. University of Pennsylvania Press. Reprinted with permission.
\nTranscription\/translation by Ch\u2019orti\u2019 Project, Robin Quizar<\/p>\n

Fought 36 Holy Week in Esquipulas Ch’orti’<\/a>
\nFought 36 Holy Week in Esquipulas English Translation<\/a>
\nFought 36 Holy Week in Esquipulas Spanish Translation<\/a><\/p>\n

36 Semana santa en Esquipulas<\/p>\n

Inte\u2019 nojk\u2019in anumuy tame e abril xe\u2019 arob\u2019na Semana Santa. Me\u2019yra jente a\u2019xin otronyajr
\nta nojk\u2019in Eskipula. Ti\u2019ne ma\u2019chi\u2019 ixin tama enero ja\u2019xto a\u2019xin tama e abril. Alok\u2019oy ta
\nuyotot tama e diya martes ak\u2019otoyob\u2019 myerkoles twa\u2019 ya\u2019 turo\u2019b\u2019.<\/p>\n

Juebes a las ocho ak\u2019ejcha amajka e Nasareno tama inte\u2019 otot najtir tama uti\u2019 e chinam. E
\notot yaja\u2019 tuni tama karsel. Ya umakyo\u2019b\u2019 uwab\u2019o\u2019b\u2019.<\/p>\n

Ja\u2019x era e ora yaja\u2019 tya\u2019 umakyo\u2019b\u2019 e Nasareno, che ke\u2019 amaktz\u2019a e Glorya. Ya makar wa\u2019r
\na\u2019xi tuno\u2019r e tarde esto otro diya. Tama e diya byernes ulok\u2019syob\u2019 uxantajresob\u2019 tama
\ntuno\u2019r e ka\u2019yob\u2019 ta e chinam.<\/p>\n

Ak\u2019ayna umen e pagre tya\u2019 war axantajresna ta kaye. A\u2019rob\u2019na, \u201cBurro! Kabayo!Orejon!\u201d
\nporke\u2019 che ke ja\u2019x uchoni utata\u2019. I tu\u2019pat water uxte\u2019 maxtak. War uxek\u2019yo\u2019b\u2019 taka e jarar
\nxe\u2019 uk\u2019echob\u2019, tz\u2019apar e klabo umenerob\u2019 tama u\u2019jor e jarar. War axanob\u2019 i war uxek\u2019yo\u2019b\u2019
\nub\u2019aker upat e Nasareno.<\/p>\n

I tya\u2019 ak\u2019oto\u2019b\u2019 tya\u2019 twa\u2019 uwab\u2019wo\u2019b\u2019 e\u2019iri, water inte\u2019 winik taka inte\u2019 esponja
\ntauk\u2019ab\u2019. Ub\u2019uri tama yanyelina (?) uch\u2019ub\u2019a ta uyej e Nasareno ejsto ke\u2019 b\u2019an uk\u2019echob\u2019
\nak\u2019otoy tama e otot xe\u2019 che\u2019nob\u2019 karsel. I jit\u2019ir unak\u2019 umenerob\u2019 tama e laso i taka
\ninte\u2019 krus to\u2019r ukejreb\u2019.<\/p>\n

I tarer e diya yaja\u2019 ak\u2019ejcha e Jesus Nasareno, xe\u2019 ja\u2019x e ora, a las syete, konda Amajka
\ne Glorya. Tama e diya yaja\u2019 mamajchi\u2019 erer apatna, nyen twa\u2019 ati, nyen ta umori usi\u2019.
\nChe\u2019nob\u2019 ke utakryob\u2019 e ma\u2019lo\u2019b\u2019 achamsan.<\/p>\n

Poreso ti\u2019ne k\u2019anto a\u2019ti i k\u2019anto umori usi\u2019, a\u2019xin akb\u2019arto umori usi\u2019. Ererto a\u2019ti.
\nKonda uyub\u2019yo\u2019b\u2019 a\u2019jkesna e kampana ta e chinam, che\u2019nob\u2019 ke\u2019 warix amajka e Glorya.<\/p>\n

E ora yaja\u2019 mamajchi\u2019 erer apatna, nyen erer a\u2019ti, porke\u2019 che\u2019nob\u2019 ke jay a\u2019tyob\u2019,
\namaktz\u2019a uchikinob\u2019, porke\u2019 maker e Glorya. Ukojko\u2019b\u2019 esto otro diya, tama e diya
\nsabado.<\/p>\n

Ak\u2019otoy e diya byernes. Tama e diya byernes ach\u2019u\u2019b\u2019na e santo entyerro, xe\u2019
\nche\u2019nob\u2019 San Manwel de Mesiyas.<\/p>\n

Konda ak\u2019otoy a las ocho, ulok\u2019syob\u2019 uxantajresob\u2019 ta kaye. Uk\u2019eche uch\u2019ub\u2019o\u2019b\u2019 to\u2019r
\ninte\u2019 santar. Ukojkob\u2019 ak\u2019otoy a las kwatro. Uyemsyob\u2019 tu\u2019t e krus ub\u2019ityob\u2019 a\u2019xin
\nuwab\u2019ob\u2019 ta iglesya.<\/p>\n

A las tres de la tarde alok\u2019oy cha\u2019te\u2019 birjen i e apostolob\u2019. Ab\u2019ijta a\u2019xob\u2019 ta
\nparrokya tya\u2019 ch\u2019a\u2019r e San Manwel. I ixto yaja\u2019 santarob\u2019 a\u2019xi e tarde. A las sinko de
\nla tarde alok\u2019esna otronyajr e San Manwel, i e birjenob\u2019 e apostolob\u2019. Inte\u2019ra
\nalok\u2019wob\u2019 ab\u2019ijta axinob\u2019 uk\u2019unir uk\u2019unir.<\/p>\n

War uchob\u2019 resar tu\u2019r a kada otot taka e adornado uti\u2019 e pwerta taka uyopor e
\ntajte\u2019. I wa\u2019r e mesa umenerob\u2019. I ak\u2019otoy awa\u2019b\u2019na e dyosob\u2019 yaja\u2019 xe\u2019 war ab\u2019ijta
\na\u2019xob\u2019. Ak\u2019otoy esto a las dose de la noche o\u2019seno\u2019b\u2019 makwi\u2019r e santwaryo.<\/p>\n

Konda war o\u2019sena tama e iglesya, umorojse ub\u2019a e jente. Uchob\u2019 resar. Ayan inte\u2019
\nKostumbre una\u2019to\u2019b\u2019. Ayan ti\u2019ne utares e nar xe\u2019 ch\u2019i\u2019ch\u2019 u\u2019t twa\u2019 ulukb\u2019a ta uk\u2019ab\u2019 e
\nkrus tya\u2019 ch\u2019u\u2019r e San Manwel. Ti\u2019n utares uch\u2019um usik\u2019b\u2019a xe\u2019 xoyoyoj unuk\u2019.
\nUch\u2019ub\u2019a ta uyejtz\u2019er tya\u2019 kachar ch\u2019u\u2019r. Ti\u2019n utares ku\u2019m ulub\u2019a tu\u2019t, porke\u2019 che ke
\nja\u2019x yumarb\u2019ir tama tuno\u2019r lo ke\u2019 ayan.<\/p>\n

Poreso e jente, konda war ach\u2019amwob\u2019, ukete unarob\u2019 ti\u2019ne galanik saksak u\u2019t, ti\u2019
\nne yaxnar, ti\u2019ne chaknar, porke che ke\u2019 ja\u2019x uch\u2019ich\u2019er e Jesu Kristu.<\/p>\n

Porke\u2019 che\u2019nob\u2019 ke\u2019 tama uch\u2019ich\u2019er e Jesu Kristo, chekta tuno\u2019r b\u2019u\u2019r, nar, ch\u2019um,
\nsik\u2019ab\u2019, kene\u2019. Porke\u2019 che ke\u2019 e dyablo utajwi ub\u2019a tama inte\u2019 diya taka e Jesu Kristo.
\nUya\u2019re e Jesu Kristo, \u201cKachi\u2019k probar kab\u2019a. Kawira chi mas imb\u2019utz uch\u2019ich\u2019er.\u201d<\/p>\n

Che ke uxuri ub\u2019a e dyablo. I tama uch\u2019ich\u2019er e dyablo ya lok\u2019oy tuno\u2019r animal
\nxe\u2019 mab\u2019anb\u2019an: chan, manakuch, juj, ub\u2019i\u2019, ajpat. I ja\u2019xto uch\u2019ich\u2019er e Kristo ya lok\u2019oy
\ne jinaj, b\u2019u\u2019r, sik\u2019ab\u2019, ch\u2019um.<\/p>\n

Poreso e jente ak\u2019ub\u2019esyanob\u2019 esto kone\u2019r. Porke\u2019 b\u2019an ani ak\u2019ub\u2019esyan e onya\u2019n
\njente tarix e tyempo. Pero inte\u2019to nojk\u2019in uchob\u2019 insolo taka ujtz\u2019u\u2019b\u2019, kandela, sa\u2019.
\nTama e nojk\u2019inob\u2019 yaja\u2019, tya\u2019 war ayo\u2019pa e jente Eskipula kora kora amorokna axano\u2019b\u2019
\nuchob\u2019 resar tama e ototob\u2019. I kora kora aji\u2019k\u2019na e witzirob\u2019 umen e syan kwete e
\nbomba tya\u2019 war awitk\u2019esna tama e alde\u2019yob\u2019.<\/p>\n

Ja\u2019xob\u2019, txe\u2019nob\u2019 ke\u2019 promesa uchob\u2019 taka e Milagroso twa\u2019 a\u2019jk\u2019unob\u2019 tuk\u2019ik\u2019 tuk\u2019ik\u2019
\nxe\u2019 uk\u2019ajtyob\u2019. Che ke\u2019 twa\u2019 a\u2019jk\u2019are u\u2019t uyototob\u2019. Poreso uturub\u2019ob\u2019 tuk\u2019ik\u2019 xix.
\n<\/div><\/div>\n

<\/span>37. El exorcismo del xiximay<\/div>
\nHablante de ch’orti’: Isidro Gonz\u00e1lez
\nFrom John G. Fought. Chorti Maya Texts. 1972. Pages 500-505. University of Pennsylvania Press. Reprinted with permission.
\nTranscription\/translation by Ch\u2019orti\u2019 Project, Robin Quizar<\/p>\n

Fought 37 Exorcism of the Xiximai Ch’orti’<\/a>
\nFought 37 Exorcism of the Xiximai English Translation<\/a>
\nFought 37 Exorcism of the Xiximai Spanish Translation<\/a><\/p>\n

37 El exorcismo del xiximay<\/p>\n

Ulok\u2019esyajir e xiximay.<\/p>\n

Ayan inte\u2019 nojk\u2019in ache\u2019na tama e julyo. Pero che\u2019 nob\u2019 mukur nojk\u2019in. Ma\u2019chi
\nuk\u2019anyob\u2019 twa\u2019 amorojk\u2019i e jente, porke\u2019 maja\u2019x me\u2019yra tuk\u2019a aturb\u2019ana: ajrer taka
\ninte\u2019 barko sa\u2019, i beynte sinko bamba ujtz\u2019u\u2019b\u2019, cha\u2019gojr ma\u2019k\u2019 sa\u2019. Uch\u2019ab\u2019wob\u2019 inkojt
\nnoxi\u2019 pa\u2019, upotz\u2019yo\u2019b\u2019 tama e sa\u2019 uwab\u2019wob\u2019 tama u\u2019t e cha\u2019 tya\u2019 ache\u2019na e ju\u2019ch.<\/p>\n

Entonses aka\u2019y ub\u2019utz\u2019o\u2019b\u2019 tuno\u2019r u\u2019t e cha\u2019, uti\u2019 e k\u2019ajk, o\u2019r e ch\u2019ujb\u2019enob\u2019, e
\nb\u2019ejtob\u2019, e barko\u2019b\u2019, e b\u2019ujrob\u2019. Ub\u2019utz\u2019ob\u2019 u\u2019t e te\u2019 tya\u2019 war unarob\u2019, tuno\u2019r upat e
\notot axana ub\u2019utz\u2019ob\u2019. Umorojsyob\u2019 tuno\u2019r e maxtak, tuno\u2019r lo ke\u2019 turob\u2019 tama e otot.<\/p>\n

Konda ak\u2019a\u2019pa ab\u2019utz\u2019a\u2019na tuno\u2019r upat e otot, ub\u2019utz\u2019o\u2019b\u2019 tuno\u2019r ukororte\u2019ir unarob\u2019.
\nTwa ixto alok\u2019esna e xiximay makwi\u2019r e otot, alok\u2019oy e ixik pakaxpat pakaxpat. E
\nwinik war ub\u2019utz\u2019a\u2019 unuk\u2019 uyok e ixik, kora kora uyujmu e resensaryo tama utye\u2019b\u2019i\u2019r
\ntya\u2019 war a\u2019xin e ixik pakaxpat. Che\u2019nob\u2019 ke\u2019 e ixik yaja\u2019 komo ke ja\u2019x e xiximay.
\nWar alok\u2019esna makwi\u2019r e otot, war ak\u2019ayna, ak\u2019ejcha alok\u2019oy.<\/p>\n

Che twa\u2019, \u201cDonya Antesesarya! Rey Antesesaryo! Ninyo Antesesaryo! Ninya
\nAntesesarya! Kone\u2019r tya\u2019 war intoyo\u2019x, choki\u2019k aktanik nyo\u2019tot tya\u2019 turo\u2019x. War
\nisajb\u2019es tuk\u2019a ink\u2019uxi ta nyo\u2019tot taka nimaxtak. No\u2019x ma\u2019chi\u2019 ina\u2019ta kob\u2019a ko\u2019yer war
\nintajwi tama nipatna\u2019r. I no\u2019x b\u2019an yu\u2019t era. Turo\u2019x war isajb\u2019es makwi\u2019r nyo\u2019tot. Imen
\ntaka war ukachnak\u2019i wi\u2019nar nimaxtak tu\u2019t nyo\u2019tot. Pero kone\u2019r inwajko\u2019x itwa\u2019nib\u2019ir
\nilok\u2019er. Incho\u2019x uyentar tama uk\u2019ab\u2019a\u2019 e ajtichaner dyosob\u2019.\u201d War o\u2019jron i war ub\u2019utz\u2019a\u2019
\nu\u2019t e b\u2019i\u2019r tya\u2019 war a\u2019xin e ixik.<\/p>\n

Uya\u2019re e xiximay, \u201cJa\u2019x era atwa\u2019nib\u2019ir, alok\u2019er, Donya Antesesarya, kone\u2019r ixketpa
\nta uk\u2019ab\u2019 e anjelob\u2019, ta uk\u2019ab\u2019ob\u2019 twa\u2019 ixketpa Apunte Raya, i Apunte Senteyo. Tya\u2019
\nturo\u2019x, warix sajb\u2019esyan tama e lugarob\u2019. Pero e anjel San Gabryel, e anjel Santo
\nTomas, e San Migel arkanjel, tya\u2019 war kak\u2019ajpes ik\u2019ab\u2019a\u2019, tu\u2019jor e ajpya\u2019rob\u2019 ira. Kone\u2019r
\ntya\u2019 war inturb\u2019a ta ik\u2019ab\u2019, chenik uyentar, Apunte Raya, Apunte Senteyo, chik k\u2019ek\u2019ok
\ntama uch\u2019u\u2019r e nojmontanya, e yaxmontanya.<\/p>\n

I ixto nik ak\u2019ek\u2019o tya\u2019 galan ayaxmujri e lugar, i ixto ayan e\u2019nchu\u2019ren ya rum
\ne\u2019nchu\u2019ren ch\u2019a\u2019n. Kocha ixto xe\u2019 a\u2019jk\u2019are, tuno\u2019r ajk\u2019ujxa\u2019r, i ixto nik awi\u2019ri, e donya
\nsesarya i e rey sesaryo. Tama uk\u2019ab\u2019a\u2019 tuno\u2019r e anjelob\u2019, inwajnesox ixlok\u2019oy tu\u2019t
\nnyo\u2019tot. Tya\u2019 turu, tzajtix u\u2019t tzajtix uyeroj, tya\u2019 turo\u2019x.<\/p>\n

Warix sajb\u2019esyan tama u\u2019t uyotot i tama tuno\u2019r e lugarob\u2019 twam e pak\u2019ab\u2019 e konoj
\nto\u2019r e rum, donya sesarya antasedor, don sesaryo antasedor, ninyo sesaryo, ninya
\nsesarya. Iranik ib\u2019i\u2019r tama e ixner k\u2019in, tama e nojmontanya, e nojwitzirob\u2019. I ixto
\nk\u2019ek\u2019we\u2019nik tuno\u2019r e tyempo, porke ma tawaron i ma kob\u2019a kabalor twa\u2019 kawe\u2019syo\u2019x,
\nporke no\u2019x nawalb\u2019ir ixamb\u2019ar, ma cheker kocha ixjami twam pak\u2019ab\u2019 e konoj. Pero
\nkaturb\u2019o\u2019x ta uk\u2019ab\u2019 e nawalb\u2019ir dyosob\u2019. E ojroner ira ja\u2019x iwajnesnib\u2019ir usujti\u2019b\u2019
\nixamb\u2019ar.\u201d<\/p>\n

Entonses e ixik asutpa ta upojpirar.
\n<\/div><\/div>\n

<\/span>38. Ofrenda del granero de ma\u00edz<\/div>
\nHablante de ch’orti’: Isidro Gonz\u00e1lez
\nFrom John G. Fought. Chorti Maya Texts. 1972. Pages 506-509. University of Pennsylvania Press. Reprinted with permission.
\nTranscription\/translation by Ch\u2019orti\u2019 Project, Robin Quizar<\/p>\n

Fought 38 Corncrib Offering Ch’orti’<\/a>
\nFought 38 Corncrib Offering English Translation<\/a>
\nFought 38 Corncrib Offering Spanish Translation<\/a><\/p>\n

38 Ofrenda del granero de ma\u00edz<\/p>\n

Ulimosnir ukororte\u2019ir e nar.<\/p>\n

E jente, konda war ape\u2019tznaryob\u2019, uchob\u2019 akostumbrar uputo\u2019b\u2019 e ujtz\u2019u\u2019b\u2019, uxuryob\u2019
\nunuk\u2019 e ak\u2019ach, uwochob\u2019 inte\u2019 barko sa\u2019 tya\u2019 uchob\u2019 ukororte\u2019ir e nar. E limosna yaja\u2019
\nache\u2019na konda twi\u2019x e pe\u2019tznar: e diya tya\u2019 ache\u2019na e limosna yaja\u2019 otro diya tix e
\npe\u2019tznar.<\/p>\n

Ta ujor uch\u2019enar e sa\u2019 e ch\u2019ich\u2019 ut\u2019isyob\u2019 u\u2019t e te\u2019 twa\u2019 upetz\u2019yob\u2019 e nar tamar.
\nKonda aka\u2019y, utzoru\u2019b\u2019o\u2019b\u2019 e nar tama u\u2019t e te\u2019, uch\u2019ab\u2019wob\u2019 inte\u2019 inte\u2019 libra ujtz\u2019u\u2019b\u2019
\ntama kwatrererti\u2019 uyeski\u2019nir ukororte\u2019ir e nar. Che ke\u2019 e ujtz\u2019u\u2019b\u2019 yaja\u2019 ja\u2019x tu\u2019b\u2019ir twa\u2019
\nume\u2019yn e nar, twa\u2019 maja\u2019x sajb\u2019esb\u2019ir taka ak\u2019a\u2019pa.<\/p>\n

Konda upetz\u2019yob\u2019ix, t\u2019ab\u2019ay to\u2019r unak\u2019 e otot, asutpa uch\u2019ab\u2019wo\u2019b\u2019 inte\u2019 inte\u2019 masorka
\nujtz\u2019u\u2019b\u2019 tama kwatrererti\u2019 uyeski\u2019nir o\u2019r e nar. I ujtz\u2019u\u2019b\u2019 xe\u2019 pak\u2019b\u2019ir kocha e tumin
\napurutna twa\u2019 t\u2019ab\u2019ay ub\u2019utz\u2019a\u2019r ta u\u2019t k\u2019in. Ja\u2019x kocha e twa\u2019nib\u2019ir twa\u2019 e dyosob\u2019
\ntichan i kocha e twa\u2019nib\u2019ir twa\u2019 unawalir e rum.<\/p>\n

Poreso uturub\u2019ob\u2019 e sa\u2019 tama ukororte\u2019yr e nar, twa\u2019 ame\u2019yni unawalir e ikb\u2019en
\nyaja\u2019. Porke che ke\u2019 unawalir e rum uyet ojroner e dyosob\u2019 tichan, twa\u2019 ma\u2019chi
\no\u2019choy e xiximay tama e otot.<\/p>\n

E krus xe\u2019 ak\u2019ampesna, konda axujra unuk\u2019 e chumpi\u2019 o ak\u2019ach, i e sa\u2019 konda
\nak\u2019a\u2019pa e pe\u2019tznar, at\u2019ab\u2019esna\u2019 wa\u2019b\u2019na to\u2019r e nar tichan, xe\u2019 pe\u2019tzb\u2019ir nar. Ya wa\u2019r
\nesto ke ak\u2019a\u2019pa e nar yaja\u2019. At\u2019ab\u2019esna uli\u2019brir e ujtz\u2019u\u2019b\u2019 yaja\u2019 i e krus.<\/p>\n

I at\u2019ab\u2019esb\u2019ir esto ke\u2019 ma ak\u2019otoy e anyo xe\u2019 twa\u2019 uk\u2019ampesob\u2019 otronyajr. Porke\u2019 e
\nujtz\u2019u\u2019b\u2019 yaja\u2019, ja\u2019x me\u2019ynb\u2019ir twa\u2019 ume\u2019yn e nar.
\n<\/div><\/div>\n

<\/span>39. Celebraci\u00f3n en el campo de ma\u00edz<\/div>
\nHablante de ch’orti’: Isidro Gonz\u00e1lez
\nFrom John G. Fought. Chorti Maya Texts. 1972. Pages 510-514. University of Pennsylvania Press. Reprinted with permission.
\nTranscription\/translation by Ch\u2019orti\u2019 Project, Robin Quizar<\/p>\n

Fought 39 Celebration in the Cornfield Ch’orti’<\/a>
\nFought 39 Celebration in the Cornfield English Translation<\/a>
\nFought 39 Celebration in the Cornfield Spanish Translation<\/a><\/p>\n

39 Celebraci\u00f3n en el campo de ma\u00edz<\/p>\n

Pero ayan otronte\u2019 nojk\u2019in ache\u2019na tama uyok e chorob\u2019, xe\u2019 e nojk\u2019in ache\u2019na tama
\nuyok e chorob\u2019 ja\u2019x e mes de agosto. Kwando war aturwan tu\u2019no\u2019r e narob\u2019 warix
\nak\u2019ana, aka\u2019y ache\u2019na e nojk\u2019inob\u2019 yaja\u2019. Che ke\u2019 war atwa\u2019na unawalir e rum.<\/p>\n

I ti\u2019ne una\u2019ta uche e nojk\u2019in yaja\u2019 ta uyok uchor tama e agosto, konda uwira ke\u2019
\nak\u2019ani\u2019x unar, uche mandar ache\u2019na e sa\u2019. I uturb\u2019a e ujtz\u2019u\u2019b\u2019 upak\u2019i kocha e tumin,
\nuk\u2019eche a\u2019xin ta uyok uchor. E chumpi\u2019, ak\u2019ach ukuche ak\u2019otwob\u2019 makwir e chor,
\nuxunyob\u2019 e k\u2019ajk twa\u2019 e\u2019mpa u\u2019t e k\u2019ajk. Aka\u2019y e ak\u2019ajpesyan, ti\u2019ne twa\u2019 ak\u2019ajpesyan. I
\ne kandela turu umener. Uturb\u2019a uk\u2019ab\u2019a\u2019.<\/p>\n

Che, \u201cE nuestra madre santisima, kone\u2019r tya\u2019 war kayo\u2019pa katoj ti\u2019yeset i war
\nkak\u2019ajb\u2019we\u2019t, taka kawarak\u2019 i taka uchu\u2019 e te\u2019, tya\u2019 chojb\u2019esb\u2019ir umen e kayumar dyos
\nke aktab\u2019ir tamar twa\u2019 katoye\u2019t, i tara war katares, kone\u2019r ch\u2019ama pasar k\u2019ab\u2019, ira
\nawira sutur jut. I kocha ne\u2019t war awajk\u2019wo\u2019n tuk\u2019a kak\u2019uxi, i tara war kayo\u2019pa
\nkaturb\u2019a to\u2019yt lo ke no\u2019n kak\u2019ampes makwi\u2019r ko\u2019tot.\u201d<\/p>\n

Konda ixto k\u2019a\u2019pi\u2019x e k\u2019ajpesyaj yaja\u2019, entonses aka\u2019y upukyob\u2019 e sa\u2019 lo ke\u2019 (e)
\nturu umenerob\u2019, pero asta\u2019 k\u2019a\u2019pa uxuryob\u2019 unuk\u2019 e chumpi\u2019. Porke\u2019 uyoryob\u2019 uxte\u2019 e
\nch\u2019en, inte\u2019 twa\u2019 uyori\u2019 uyaryob\u2019 e sa\u2019 tamar, i inte\u2019 twa\u2019 uyaryob\u2019 uch\u2019ich\u2019er e chumpi\u2019
\ni ak\u2019ach, i inte\u2019 twa\u2019 uturub\u2019ob\u2019 u\u2019t e k\u2019ajk tamar. I inte\u2019 b\u2019ejt uwab\u2019wob\u2019 twa\u2019
\nuyaryob\u2019 e ujtz\u2019u\u2019b\u2019, por libra o jay banbab\u2019ir, yaya tu\u2019tzub\u2019o\u2019b\u2019 tamar. I ma\u2019chi
\nwatob\u2019 ta uyototob\u2019 ejsto ke ma ak\u2019a\u2019pa\u2019 puruy tuno\u2019r e ujtz\u2019u\u2019b\u2019 yaja\u2019 lo ke\u2019 uk\u2019echob\u2019
\na\u2019xin.<\/p>\n

Pero konda k\u2019a\u2019pi\u2019x xujra unuk\u2019 e chumpi\u2019 ak\u2019ach, i tujk\u2019i\u2019x e sa\u2019 yaja\u2019, entonses
\nlo ke aketpa ajk\u2019una uyuch\u2019i e jente xe\u2019 ak\u2019otoy uwirob\u2019 e nojk\u2019in. Porke\u2019 kocha e
\njente una\u2019ti\u2019x ke\u2019 ayan e nojk\u2019in, war alumesna ta uyok chor amorojk\u2019yob\u2019 uwirob\u2019
\nk\u2019anwi\u2019 twa\u2019 uwich\u2019wob\u2019 e sa\u2019.<\/p>\n

Kondixto ak\u2019a\u2019pa e pukmayaj yaja\u2019 taka e sa\u2019, entonses tye\u2019ne k\u2019ani a\u2019xin ta
\nuyotot a\u2019xin. Pero xe\u2019 war ak\u2019ajpesyan i e ajyum yokchor ma\u2019chi watar ta uyotot
\nesto ke ma ak\u2019a\u2019pa\u2019 puruy tuno\u2019r e ujtz\u2019u\u2019b\u2019. Entonses wa\u2019k\u2019 ukuchi ub\u2019ujr otronyajr
\nutar, pero e chumpi\u2019 e ak\u2019ach ak\u2019a\u2019pa takix axuj tu\u2019nuk\u2019 ab\u2019etna a\u2019xin tama otot i twa\u2019
\no\u2019stana i ache\u2019na e tamal tamar.<\/p>\n

Konda che ayo\u2019pa e ajyum uyokchor ajk\u2019ajpesyaj (t)urix aturwan e tamal twa\u2019
\nuk\u2019uxyob\u2019. Porke\u2019 che ke\u2019 e nojk\u2019in yaja\u2019 utwa\u2019nib\u2019ir e rum lo ke\u2019 war uyajk\u2019u e nar.
\nI poreso ja\u2019xob\u2019 ma\u2019chi erer apatnob\u2019 b\u2019an taka, uche ujinajob\u2019, sino ke\u2019 utoyob\u2019 e rum
\ntwa\u2019 ma\u2019chi axerwa\u2019 exerori (?) e nar, twa\u2019 ma\u2019chi asatpa, i twa\u2019 alok\u2019oy me\u2019yra
\nunarob\u2019.<\/p>\n

I poreso che ke\u2019 utoyob\u2019 e rum twa\u2019 ajk\u2019uno\u2019b\u2019 me\u2019yra unarob\u2019. Ja\u2019xto era e
\nnojk\u2019in xe\u2019 ache\u2019na.
\n<\/div><\/div>\n

<\/span>40. Fiesta del Trapiche<\/div>
\nHablante de ch’orti’: Isidro Gonz\u00e1lez
\nFrom John G. Fought. Chorti Maya Texts. 1972. Pages 515-519. University of Pennsylvania Press. Reprinted with permission.
\nTranscription\/translation by Ch\u2019orti\u2019 Project, Robin Quizar<\/p>\n

Fought 40 Celebration of the Cane Press Ch’orti’<\/a>
\nFought 40 Celebration of the Cane Press English Translation<\/a>
\nFought 40 Celebration of the Cane Press Spanish Translation<\/a><\/p>\n

40 Fiesta del Trapiche<\/p>\n

Unojk\u2019inar e trapich ache\u2019na konda k\u2019anix ache\u2019na e sumsik\u2019ab\u2019. E nojk\u2019in yaja\u2019 ache\u2019na
\ntaka inkojt ajtzo\u2019, i cha\u2019kojt ak\u2019ach, inkojt utu\u2019 e chumpi\u2019, kochya\u2019ch ache\u2019na ta
\nuyokchor. B\u2019an ixto taka e trapich. Aturub\u2019ana e ujtz\u2019u\u2019b\u2019 yeb\u2019a e trapich. Ache\u2019na
\nadorner cha\u2019te\u2019 krus tama e k\u2019om, awa\u2019b\u2019na tama u\u2019t e trapich; e sa\u2019 awa\u2019b\u2019na ta rum, xe\u2019
\ntwa\u2019 o\u2019ch\u2019na. Pero xe\u2019 twa\u2019 e anjelob\u2019 awa\u2019b\u2019na tama u\u2019t e trapich.<\/p>\n

Konda ak\u2019a\u2019pa e k\u2019ajpesyaj, e sa\u2019 xe\u2019 twa\u2019 e anjelob\u2019 o\u2019jcha tama o\u2019r e trapich, i xe\u2019
\ntwa\u2019 ayajra ta ch\u2019en, najtir upat e trapich ayojra e ch\u2019en o\u2019jcha e sa\u2019 tamar. Ma\u2019chi
\nayajra ta uwarib\u2019 e trapich porke\u2019 apach\u2019arna umen e jente tya\u2019 a\u2019wanob\u2019 taka e ajnesyaj
\nwakax, konda war usutro\u2019b\u2019 e trapich.<\/p>\n

Tarixto me\u2019rer uwoch\u2019ob\u2019 yeb\u2019a e trapich, nyen ja\u2019x uch\u2019ich\u2019er e chumpi\u2019, nyen
\nuch\u2019ich\u2019er e ak\u2019ach. Najtir ayajra. I ja\u2019xto xe\u2019 twa\u2019 e anjelob\u2019 cha\u2019te\u2019 ruch
\nasijtzja\u2019na tama tuno\u2019r u\u2019t e trapich i tama tuno\u2019r lo ke\u2019 ak\u2019ampesna tama e sumsik\u2019ab\u2019.<\/p>\n

Ub\u2019utz\u2019o\u2019b\u2019 taka e ujtz\u2019u\u2019b\u2019. E pak\u2019b\u2019ir ujtz\u2019u\u2019b\u2019 uputo\u2019b\u2019 yeb\u2019a e trapich.
\nUb\u2019utz\u2019o\u2019b\u2019 tuno\u2019r o\u2019r e orno, e b\u2019ejtob\u2019, uwajrnib\u2019 e chab\u2019, i tuno\u2019r e yorb\u2019ir tyo\u2019b\u2019
\nxe\u2019 umo\u2019ldir e chab\u2019.<\/p>\n

E nojk\u2019in yaja\u2019 ache\u2019na twa\u2019 ab\u2019oro e chab\u2019 i twa\u2019 ma tuk\u2019a\u2019 unumse ub\u2019o\u2019b\u2019
\ntaka e trapich. Che ke\u2019 twa\u2019 ma\u2019chi o\u2019choy e malombre ta ujamob\u2019, i twa\u2019 ma\u2019chi
\napuruy e chab\u2019. E ujtz\u2019u\u2019b\u2019 ja\u2019x utwa\u2019nib\u2019ir e anjelob\u2019 i tuno\u2019r ajtichaner dyosob\u2019
\nkocha e anjelob\u2019, i twa\u2019 unawalir e rum.<\/p>\n

Poreso axujra unuk\u2019 e chumpi\u2019 i e ak\u2019ach, porke\u2019 ja\u2019xob\u2019 che\u2019nob\u2019 e katu\u2019
\nmundo uyet ojroner e dyosob\u2019 tichan. I ja\u2019x ak\u2019ajtmayan tamaron taka e ajtichaner
\ndyosob\u2019 tama tuno\u2019r lo ke\u2019 k\u2019ani kanumse kab\u2019a, xe\u2019 no\u2019n o\u2019r urumir pak\u2019ab\u2019on.
\nPero ja\u2019x ak\u2019ek\u2019ojsyan tamaron, ma\u2019chi uyakta tuk\u2019ik\u2019xix nawalir ajmab\u2019anb\u2019an
\ntamaron.<\/p>\n

I poreso tuno\u2019r e jente anojk\u2019ini taka unawalir e rum, tuno\u2019r ti\u2019ne ayan
\nute\u2019rar ukafe, ti\u2019n ayan usik\u2019ab\u2019, ti\u2019n ayan upojp, anojk\u2019inyob\u2019 makwi\u2019r. Uk\u2019echyob\u2019
\ne chumpi\u2019, uyak\u2019ach, e ujtz\u2019u\u2019b\u2019, i e sa\u2019, twa\u2019 uwochob\u2019 makwi\u2019r upojpob\u2019. Porke\u2019
\nja\u2019xob\u2019, che\u2019nob\u2019 e chumpi\u2019, e ak\u2019ach, ja\u2019x inte\u2019 warab\u2019ir kocha e twa\u2019nib\u2019ir twa\u2019
\nunawalir e rum. Ke\u2019 e ch\u2019i\u2019ch yaja\u2019 twa\u2019 e chumpyo\u2019b\u2019 e ak\u2019ach, nawalb\u2019ir
\nja\u2019xob\u2019 unut\u2019yob\u2019, ke\u2019 ja\u2019x inte\u2019 alimento twa\u2019 unawalir e rum, i ke\u2019 tamar
\na\u2019jk\u2019uno\u2019b\u2019 ukose\u2019chob\u2019: nar b\u2019u\u2019r, ch\u2019um, twa\u2019 ak\u2019a\u2019wan ukajuyob\u2019, i twa\u2019 ach\u2019i\u2019
\nupojpob\u2019, twa\u2019 ma\u2019chi axerori unarob\u2019, i twa\u2019 ma\u2019chi awajrami ub\u2019u\u2019rob\u2019, twa\u2019
\nat\u2019oxpa uyarak\u2019ob\u2019.<\/p>\n

Poresto, tuno\u2019r e jente uche akostumbrar uxuri unuk\u2019 e chumpi\u2019 i e ak\u2019ach,
\ntama e rum, porke\u2019 una\u2019tob\u2019 ke\u2019 tamar water e chojb\u2019esyaj tama e kose\u2019chob\u2019 lo
\nke\u2019 ub\u2019akyob\u2019. Porke\u2019 che\u2019nob\u2019 ke\u2019 unawalir e rum ja\u2019x mek\u2019er umener ume\u2019yn
\ntuno\u2019r pak\u2019b\u2019ajrya\u2019r lo ke\u2019 ayan.<\/p>\n<\/div><\/div><\/div>\n","protected":false},"excerpt":{"rendered":"","protected":false},"author":889,"featured_media":0,"parent":0,"menu_order":0,"comment_status":"closed","ping_status":"closed","template":"","meta":{"_exactmetrics_skip_tracking":false,"_exactmetrics_sitenote_active":false,"_exactmetrics_sitenote_note":"","_exactmetrics_sitenote_category":0,"neve_meta_sidebar":"","neve_meta_container":"","neve_meta_enable_content_width":"off","neve_meta_content_width":100,"neve_meta_title_alignment":"","neve_meta_author_avatar":"","neve_post_elements_order":"","neve_meta_disable_header":"","neve_meta_disable_footer":"","neve_meta_disable_title":"","footnotes":""},"class_list":["post-97","page","type-page","status-publish","hentry"],"_links":{"self":[{"href":"https:\/\/sites.msudenver.edu\/proyectochorti\/wp-json\/wp\/v2\/pages\/97","targetHints":{"allow":["GET"]}}],"collection":[{"href":"https:\/\/sites.msudenver.edu\/proyectochorti\/wp-json\/wp\/v2\/pages"}],"about":[{"href":"https:\/\/sites.msudenver.edu\/proyectochorti\/wp-json\/wp\/v2\/types\/page"}],"author":[{"embeddable":true,"href":"https:\/\/sites.msudenver.edu\/proyectochorti\/wp-json\/wp\/v2\/users\/889"}],"replies":[{"embeddable":true,"href":"https:\/\/sites.msudenver.edu\/proyectochorti\/wp-json\/wp\/v2\/comments?post=97"}],"version-history":[{"count":0,"href":"https:\/\/sites.msudenver.edu\/proyectochorti\/wp-json\/wp\/v2\/pages\/97\/revisions"}],"wp:attachment":[{"href":"https:\/\/sites.msudenver.edu\/proyectochorti\/wp-json\/wp\/v2\/media?parent=97"}],"curies":[{"name":"wp","href":"https:\/\/api.w.org\/{rel}","templated":true}]}}